ભુજ સિવિલમાં સારવાર લેતા કોરોનાગ્રસ્ત દદીઓના વંશસુત્રો પર સંશોધન કરાશે

ભુજ ખાતે અદાણી સંચાલિત જી.કે.જનરલ સિવિલ હોસ્પિટલને કોરોના દર્દીઓ માટે આરક્ષિત કર્યા બાદ સારવાર લઈ રહેલા પોઝિટિવ કેસના વંશસુત્રોમાં આવતાં પરિવર્તનો અને પરિણામો ઉપર જીનમ ( RNA-DNA અનુવાશિક જીવ કોષ) ઉપર તલસ્પર્શી સંશોધન કરવામાં આવશે.

કચ્છ : ભુજ ખાતે હોસ્પિટલના મેડિસીન વિભાગના વડા પ્રો.બાબુલાલ બંબોરિયા અને માઇક્રો બાયોલોજી વિભાગના ડૉક્ટર અને એસો.પ્રો.હિતેશ આસુદાનીએ કહ્યું કે, કોરોનાગ્રસ્ત થયા પછી દર્દીઓ પર સ્પરાવલંબી સંજીવ રચના (organism) ઉપર આવેલા પરિવર્તનો ઉપર ગાંધીનગર બાયોટેક ઇન્સ્ટિટયૂટ ખાતે અધ્યયન હાથ ધરશે.

આ પ્રકારનું સંશોધન કરવા માટે અદાણી મેડિકલ કોલેજની ઈથિકલ (નીતિ વિષયક) કમિટીએ પરવાનગી આપતા જી.કે.જનરલમાં સારવાર લેતા કોવિડ-19 દર્દીઓમાં સેમ્પલ સંશોધન માટે મોકલવામાં આવી રહ્યા છે. અદાણી મેડિકલ કોલેજ ભૂજમાં ફોરેન્સિક મેડિકલ વિભાગના હેડ અને પ્રો.ડૉ રોહિત ઝરીવાલાના વડપણ હેઠળ આઠ સભ્યોની નીતિ નિર્ધારિત કમિટી બનાવવામાં આવી છે જે સંશોધન માટે આવા કાર્યો માટે નિર્ણય લે છે.

સંશોધન માટે મોકલવામાં આવતા નમૂનાઓને બે વિભાગમાં વિભાજિત કરવામાં આવ્યા છે. જેમાં પ્રથમ પાંચ દર્દીઓમાં કોરોનાની ઓછી અસર હોય અને બીજા ગંભીર કક્ષાના કહી શકાય તેવા વેન્ટિલેટર ઉપર અને ઘનિષ્ટ સારવાર લેતા હોય તેવા દસ સેમ્પલ મોકલવામાં આવશે. બંને પ્રકારના દર્દીઓના લોહીના નમૂનાઓ મોકલી સંશોધન માટે તૈયારી કરી દેવામાં આવે છે.તબીબોના જણાવ્યાં અનુસાર કોઈ પણ રોગમાં RNA-DNA સજીવ રચના ઉપર સાંકેતિક પરિવર્તનો જોવા મળે છે જે સંશોધન દ્વારા જાણી શકાય. દરેક વ્યક્તિમાં આવા રંગસૂત્રો વિવિધ પ્રકારે પ્રભાવ પાડતા હોવાથી ભવિષ્યમાં સારવાર કરવા મહત્વનો નિર્ણય લઇ શકાય છે તેના માટે સંશોધન જરૂરી છેવિશ્વમાં દરેક જગ્યાએ જુદા જુદા સંશોધનો થતાં જોવા મળે છે અને કોરોનાની અસરકારકતા ક્યાં સંજોગો પર કેવી પડે છે તેના સંશોધન પેપર પણ બહાર પાડતા હોય છે. આગામી સમયગાળામાં જીકેમાં દાખલ થયેલા દર્દીના જીનમના સાંકેતિક પરિણામો જાણી શકાશે.