કચ્છના નાના રણમાં વિદેશી પક્ષીઓનું આગમન

કચ્છઃ હાલ શિયાળાની સિઝન શરૂ થઈ ગઈ છે, ત્યારે આ ઠંડીની સીઝનમાં કચ્છના નાના રણની અંદર હજારો કિલોમીટર કાપીને વિદેશી પક્ષીઓ મોટી સંખ્યામાં આ રણની અંદર આવતા હોય છે, ત્યારે ખાસ કરીને ફ્લેમિંગો, સ્પૂન બિલ, કુંજ, ટિલોર, પેરિગ્રીન, ફાલકન, રણ ચકલી, નાઈટ જાર, ડેમોલિન, જેવા અલગ-અલગ જાતના પક્ષીઓ આવેલા છે.

આ કચ્છના નાના રણનો વિસ્તાર બહુ મોટો છે. જે 4953 ચોરસ કિલોમીટર એરિયામાં ફેલાયેલ છે. આ રણની અંદર ઠંડીની સીઝનમાં વિદેશી પક્ષીઓ મોટી સંખ્યામાં આવે છે અને આ રણની અંદર પોતે મહેમાનગતી માણતા હોય છે.

પક્ષીઓને જોવા માટે રાજ્ય અને દેશ બહારથી પણ લોકો મોટી સંખ્યામાં અહી આવે છે. આ રણની અંદર આવેલ પક્ષીઓને જોવા તે એક લાહ્વો લેતા હોય છે. હાલ યુરોપ જેવા દેશોમાં બરફ વધુ હોવાથી આ પક્ષીઓ આ રણ વિસ્તારમાં આવતા હોય છે.

જે લગભગ 4 મહિના સુધી આ વિસ્તારમાં રહેતા હોય છે. જેનું મુખ્ય કારણ તેમને આ જગ્યાએ પૂરતો ખોરાક અને સલામતી મળી રહે છે અને વાતાવરણ પણ અનુકૂળ હોવાથી તેઓ આ જગ્યા પર આવે છે. આ પક્ષીઓને કોઈ જાતની તકલીફ ન પડે એમ એ તેમને કોઈ ડિસ્ટબ ન કરે તે માટે અભયારણ્ય દ્વારા પણ કાળજી લેવામાં આવે છે. આ સમયમાં આ રણની અંદર હજારો પ્રવાસીઓ રણની મુલાકાત લેતા હોય છે.