ભૂજમાં મેઘરાજાની મહેર, એક જ રાતમાં 5 ઈંચ વરસાદ ખાબક્યો

કચ્છઃ ભૂજમાં એક જ રાત્રિમાં 5 ઈંચ વરસાદ ખાબક્યો છે. જ્યારે 24 કલાકની અંદર 7 ઈંચ વરસાદ નોંધાયો છે. કચ્છમાં વરસાદ સારો રહેતા લોકો મેઘરાજાનો આભાર માની રહ્યાં છે.

છેલ્લા 24 કલાકમાં સારા વરસાદના પગલે ભૂજ અને તાલુકાના ગામોમાં આનંદ ઉલ્લાસ છવાઈ ગયો છે. ભૂજમાં ખૂબ જ ઓછો વરસાદ પડતો હોય છે. પરંતુ આ વખતે યોગ્ય વરસાદના કારણે લોકો ખૂબ જ ઉત્સાહમાં જોવા મળી રહ્યાં છે.

અંજાર, લખપત અને મુંદ્રામાં ધીમીધારે મેઘરાજા વરસ્યા છે. જ્યારે સવારે 6 વાગ્યા બાદ લખપતમાં 4 મી.મી., રાપર 11 મીમી, ભૂજમાં 164 મીમી, ભચાઉ 71 મીમી, અંજાર 29 મીમી, માંડવી 18 મીમી, અબડાસામાં 6 મીમી વરસાદ નોંધાયો છે.