પ્રતિષ્ઠાની પેટા ચૂંટણી: અબડાસા બેઠક માટે મત ગણતરીની તૈયારીઓ પૂર્ણ

ગુજરાત વિધાનસભાની અબડાસા બેઠક માટે પેટા ચૂંટણી 3 નવેમ્બરના રોજ યોજાઇ હતી. જેની મત ગણતરી 10 નવેમ્બરે કરવામાં આવશે. કચ્છ જિલ્લા ચૂંટણી અધિકારી અને કલેક્ટર પ્રવિણા ડી. કે.ના માર્ગદર્શન હેઠળ મત ગણતરીની તમામ તૈયારીઓને આખરી ઓપ આપવામાં આવ્યો છે.

• 10 નવેમ્બરના રોજ મત ગણતરી સવારે 8 કલાકે શરૂ થશે
• અબડાસા બેઠક માટે પેટા ચૂંટણી 3 નવેમ્બરના રોજ યોજાઈ હતી
• સરકારી ઈજનરી કોલેજ ખાતે થશે મત ગણતરી

કચ્છ : વિધાનસભાની અબડાસા બેઠક માટે પેટા ચૂંટણી 3 નવેમ્બરના રોજ પેટા ચૂંટણી યોજાઇ હતી. જેની મત ગણતરી 10 નવેમ્બર, મંગળવારના રોજ થવાની છે. જે અંગેની કામગીરીના સુચારૂ આયોજન માટે જિલ્લા ચૂંટણી અધિકારી અને કલેક્ટર પ્રવિણા ડી. કે.ના માર્ગદર્શન હેઠળ મત ગણતરીની તમામ તૈયારીઓને આખરી ઓપ આપવામાં આવ્યો છે.

કચ્છ જિલ્લા ચૂંટણી અધિકારી અને કલેક્ટર પ્રવિણા ડી. કે.ના માર્ગદર્શન હેઠળ મત ગણતરીની તમામ તૈયારીઓને આખરી ઓપ આપવામાં આવ્યો

મત ગણતરી કેન્દ્રમાં 431 મતદાન મથકોના મતોની ગણતરી કરાશે

મંગળવાર 10 નવેમ્બરના રોજ મત ગણતરી સવારે 8 કલાકે સિવિલ એન્ડ એપ્લાઈડ મિકેનિકલ બિલ્ડિંગ સરકારી ઈજનેરી કોલેજ, ભુજ ખાતે હાથ ધરવામાં આવશે. મત ગણતરી કેન્દ્રમાં 431 મતદાન મથકોના મતોની ગણતરી કરવામાં આવશે. કુલ 3 કાઉન્ટિંગ હોલમાં મત ગણતરી થશે, જે પૈકી બે હોલમાં EVM મશિન અને 1 હોલમાં પોસ્ટલ બેલેટની મત ગણતરી કરવામાં આવશે. સમયબદ્ધ અને તબક્કાવાર સુચારૂ રીતે મત ગણતરીની કામગીરી પૂર્ણ કરવા વિવિધ આયોજનો કરવામાં આવ્યા છે.

3 કાઉન્ટિંગ હોલમાં મત ગણતરી થશે

ચૂંટણી અધિકારી દ્વારા મત ગણતરીની તૈયારીઓ કરાઈ પૂર્ણ

કલેક્ટર પ્રવિણા ડી. કે. તેમજ નાયબ ચૂંટણી અધિકારી એમ. બી. પ્રજાપતિએ અમલીકરણની કામગીરી અને આગોતરા આયોજનનો તાગ મેળવી જરૂરી સૂચનો અને માર્ગદર્શન પૂરા પાડ્યા હતા.

કોરોના ગાઇડલાઇનનો અમલ કરવામાં આવશે

મતગણતરીના દિવસે જરૂરી સંશાધનો, ભૌતિક સગવડો તેમજ સંકળાયેલ કર્મીઓ, ઉમેદવારો અને અધિકારીઓ અને સ્થળ તમામને નોવેલ કોરોના વાયરસ કોવીડ-૧૯ ની ગાઈડલાઇન અનુરૂપ તૈયાર કરી તેમજ તેને અનુસરીને આ ગણતરી કરવામાં આવનાર છે. અંદાજે ૩૨ રાઉન્ડમાં થનાર કાઉન્ટીંગ અને તમામ કામગીરીમાં અંદાજે ૭૦૦ જેટલા ચુંટણી કર્મીઓ આ દિવસે ફરજ નિભાવશે.

ચુસ્ત પોલીસ બંદોબંસ્ત ગોઠવાયો