ભારત-પાકને અડીને આવેલી કચ્છની આંતરરાષ્ટ્રીય સરહદેથી ઘૂસણખોરી, ડ્રગ્સની હેરાફેરી તથા હથિયારો ઘુસાડવા જેવી દેશ વિરોધી પ્રવૃત્તિઓને અટકાવવા તથા આવી કોઇપણ હિલચાલ અંગે સરહદના ગ્રામજનોને જાગૃત કરવા માટે સીમાદળના જવાનો તથા પોલીસ તંત્ર દ્વારા સંયુક્ત કવાયત થઇ હતી.
કચ્છ સરહદે આપસી સંકલન અને જાગૃતિ માટે પોલીસ અને BSF વચ્ચે યોજાઈ બેઠક - kutch news
કચ્છ: રણ સરહદે દેશ વિરોધી નાપાક પ્રવૃત્તિઓ સામે થતી કાર્યવાહીમાં પોલીસ અને સીમા સુરક્ષા દળ વચ્ચેના આંતરિક સંકલનને વધુ મજબૂત બનાવવા કચ્છ બોર્ડર રેન્જના IG સુભાષ ત્રિવેદીએ એક નવી પહેલ કરી હતી. BSF અને પોલીસના જોઇન્ટ પેટ્રોલિંગ કરવા તેમજ સરહદી લોકોને જાગૃત કરવા જિલ્લાાના બોર્ડર રેન્જના IG સુભાષ ત્રિવેદી, જિલ્લા કલેક્ટર એમ. નાગરાજન, પશ્વિમ કચ્છ પોલીસવડા સૌરભ તોલંબિયા સહિતના અધિકારીઓએ સીમા ક્ષેત્રની ખાસ મુલાકાત લીધી હતી.
kutch
સરહદી વિસ્તારની મોહન BOPમાં પોલીસ અને સીમા સુરક્ષાદળના અધિકારીઓની બેઠક યોજાઇ હતી. જેમાં વિવિધ ચર્ચા થઇ હતી. સરદાર પોસ્ટ, વિઘાકોટ તરફના ફેન્સિંગ વિસ્તારમાં પોલીસ તથા સીમા સુરક્ષાદળના જવાનોએ સાથે મળીને પેટ્રોલિંગ કર્યું હતુું.
આ ખાસ કવાયતમાં નાયબ પોલીસ અધીક્ષક નખત્રાણા વિભાગના વી.એન. યાદવ, નરા પોલીસ સ્ટેશનના PSI અરવિંદ પરમાર, ખાવડા પોલીસ સ્ટેશનના પ.એસ.આઇ, પી.એસ.આઇ. પરાક્રમસિંહ કછવાહ, સીમા સુરક્ષાદળના અધિકારીઓ ઇન્સ્પેકટર દેવેન્દ્ર મનિક દત્તા વગેરે જોડાયા હતા.