કચ્છ: ભુજના માધાપરમાં 19 જેટલા પોઝિટિવ કેસ નોંધાયા છે. આ કોરોના સંક્રમણને અટકાવવા વેપારી એસોસિએશન દ્વારા સ્વયંભૂ રીતે આ લોકડાઉનનો અમલ કરવાનો નિર્ણય કરાયો છે. જેમાં ખાસ કરીને રોજે રોજનું કમાઇને ગુજરાન ચલાવનારા ધંધાર્થીઓએ ગામ પર આવેલા સંકટને રોકવા મોટું યોગદાન આપવા સહમત થયા છે. જેના પગલે આવતીકાલથી એટલે કે, શુક્રવારથી આગામી 9/8 સુધી અડધો દિવસ ધંધા-રોજગાર બંધ રાખવાનો નિર્ણય લેવાયો છે.
દેશભરમાં અનલોક-3 વચ્ચે કચ્છના ગામમાં લોકડાઉન, જાણો જાગૃત સહકાર અને સંકટ સામેની લડાઈનો અહેવાલ... - Lockdown in the village of Kutch
કચ્છ જિલ્લામાં અનલોક સાથે કોરોના મહામારીનું સંક્રમણ ખૂબ વધી રહ્યું છે, ત્યારે કચ્છમાં સૌથી પહેલા સ્થાનિક સંક્રમણનો કેસ નોંધાયો હતો. ભુજના માધાપરવાસીઓએ સાથે મળીને એક સાથે જ લોકડાઉનના પાલનનો નિર્ણય કર્યો છે. આગામી દસ દિવસ સુધી સાથે મળીને બપોર બાદ ધંધા-રોજગાર બંધ રાખવાનો નિર્ણય કરાયો છે.
દેશભરમાં અનલોક-3 અને કચ્છના ગામમાં લોકડાઉન
આ તકે માધાપર નવાવાસ પંચાયતના ઉપ સરપંચ અરજણભાઈએ જણાવ્યું હતું કે, હાલમાં આઠ જેટલા એક્ટિવ કેસ માધાપરના છે. જે અનેક લોકો સાથે સંપર્કમાં આવ્યા હોય આ ચેનને તોડવા માટે સ્વેચ્છાએ બંધ રાખવાનો નિર્ણય આવકારદાયક છે. કેમ કે વરસાદી વાતાવરણમાં નાસ્તાની લારી ઉપર વધારે લોકો એકઠા થાય તો રોગચાળો જલ્દી ફેલાઇ શકે છે. જેથી દસ દિવસ ધંધા-રોજગાર બંધ રહેતો આ સંક્રમણને ટાળી શકાય તેમ છે.
કચ્છના ગામમાં લોકડાઉન