Kutch News : ત્રીજી પેઢીએ સ્વાદપ્રિય, આનંદ લહેરીના નેચરલ આઈસ્ક્રીમ ખાઈને લોકો પોતાની લહેરમાં

કચ્છના ભુજમાં ત્રીજી પેઢીએ આનંદ લહેરીના સ્પેશિયલ આઈસ્ક્રીમ નો દબદબો યથાવત જોવા મળ્યો છે. આનંદ લહેરીના સ્પેશિયલ ટુટીફ્રુટી આઈસ્ક્રીમ છેલ્લા ઘણા વર્ષોથી કચ્છના ખુણે ખુણે પ્રખ્યાત પ્રામ્યો છે. લોકો મોડી રાત્રે ઉનાળા ઠંડા પવન સાથે આ સ્પેશિયલ આઈસ્ક્રીમ ખાઈને આનંદની લહેરમાં જોવા મળતા હોય છે. ત્યારે શું આ સ્પેશિયલ આઈસ્ક્રીમ જૂઓ.

કચ્છ : ખાણીપીણીના વિક્રેતાઓ અવનવા પ્રયોગો કરીને વિશિષ્ટ પ્રકારની ફૂડ આઈટમ બનાવતા હોય છે. જેમાંથી અમુક ફૂડ ડિશ સ્પેશિયલ હોય છે. જેમાં અનેક વર્ષોથી તે ગ્રાહકોમાં લોકપ્રિય હોય છે, ત્યારે સ્પેશિયલ ડીશથી જ દુકાન કે પેઢી ઓળખાતી હોય છે. એવી જ રીતે ભુજના આનંદ લહેરી આઇસ કેન્ડીની એક સ્પેશિયલ ટુટીફ્રુટી આઈસ્ક્રીમ છેલ્લાં 70 વર્ષોથી પ્રખ્યાત છે. જે માટે લોકો કચ્છના ખૂણે ખૂણેથી આવતા હોય છે અને તેનો આનંદ લેતા હોય છે.

આઈસ્ક્રીમની દુકાનો પર ભીડ : ઉનાળાની શરૂઆત થઇ ચૂકી છે અને વાતાવરણમાં તાપનું પ્રમાણ પણ વધ્યું છે, ત્યારે મહત્તમ તાપમાનનો પારો 38-40 ડિગ્રી જેટલું નોંધાઈ રહ્યું છે. આકરા તાપમાં લોકો પોતાના શરીરનું તાપમાનને જાળવી રાખવા અવનવા પ્રયત્નો કરતા રહેતા હોય છે. ઉનાળાની ઋતુમાં લોકો આઈસ્ક્રીમ ખૂબ પ્રમાણમાં ખાતા હોય છે. તેમાં પણ પોતાની મનપસંદ આઈસ્ક્રીમ અને ગોલાનો આનંદ માણવા લોકો મોડી રાત્રી સુધી આઈસ્ક્રીમની દુકાનો પર જતાં હોય છે.

સ્પેશિયલ આઈસ્ક્રીમ :ભુજની આનંદ લહેરી આઈસ કેન્ડી નામની આઈસ્ક્રીમની દુકાન કે જે છેલ્લા 70 વર્ષથી કચ્છની સ્વાદપ્રિય જનતાને અવનવી આઇસક્રીમ પીરસી રહી છે. આ આનંદ લહેરી આઈસ કેન્ડીની એક સ્પેશિયલ આઈસ્ક્રીમ છે. જેનું નામ છે ટુટીફ્રુટી આઈસ્ક્રીમ. કચ્છમાં સૌ પ્રથમ વખત આ ટુટીફ્રુટી આઈસ્ક્રીમ શરૂ આનંદ લહેરી દ્વારા શરૂ કરવામાં આવી હતી. છેલ્લાં 70 વર્ષથી આ આઈસ્ક્રીમ લોકોમાં ખૂબ પ્રિય છે. આ ટુટીફ્રુટી આઈસ્ક્રીમ ખાવા માટે રાત્રિના સમયે ખૂબ જ લોકો આવે છે. ન માત્ર ભુજ પરંતુ કચ્છના ખૂણે ખૂણેથી લોકો આવે છે. ઉપરાંત અમદાવાદ અને સુરતથી લોકો જ્યારે કચ્છ આવે છે, ત્યારે આ સ્પેશિયલ આઈસ્ક્રીમ ખાવા અહીં આવે છે.

નેચરલ ટુટીફ્રુટી આઈસ્ક્રીમ

આ પણ વાંચો :Ice cream price: તાપમાન વધ્યું ને આઈસ્ક્રીમની માંગમાં તેજી, 20થી 40 ટકા જેટલા ઉત્પાદનમાં વધારો

કંઈ રીતે બને છે સ્પેશિયલ આઈસ્ક્રીમ :આ સ્પેશિયલ ટુટીફ્રુટી આઈસ્ક્રીમ બનાવવા માટે સ્પેશિયલ માવો, ક્રીમ અને દૂધને એકદમ ઉકાળવામાં આવે છે. ત્યાર બાદ તેમાં ટુટીફ્રુટી, ડ્રાયફ્રૂટ નાખીને તેને સંચામાં ઢોળવામાં આવે છે, ત્યાર બાદ તેના નાના નાના કટકા કરીને એક પાત્રમાં નાખીને ગ્રાહકોને આપવામાં આવે છે. નેચરલ પ્રક્રિયાથી જ આ નેચરલ આઈસ્ક્રીમ બનાવવામાં આવે છે. આ આઈસ્ક્રીમ એક વાર ખાધા બાદ લોકોને આનંદ આવે છે અને અવારનવાર લોકો આને ખાવાનું પસંદ કરે છે.

આ પણ વાંચો :સુરતનો નવો ચટાકો, ગુલાબી ઠંડીમાં ગરમા ગરમ આઈસ્ક્રીમ ભજીયા અને આઈસ્ક્રીમ પાણીપુરીની મજા

ટુટીફ્રુટી આઈસ્ક્રીમની માંગ હંમેશા :છેલ્લા 70 વર્ષોથી આનંદ લહેરી આઈસ કેન્ડીના નામે વેપાર કરતાં સંદીપ દામાણીએ જણાવ્યું હતું કે, છેલ્લાં 70 વર્ષોથી આ આનંદ લહેરી આઈસ કેન્ડીના નામે વેપાર કરી રહ્યા છીએ અને આમ તો ત્રીજી પેઢી છે. જે આ ધંધો ચલાવી રહી છે. 70 વર્ષ પહેલાં સંદીપભાઈના દાદાએ આ દુકાનની શરૂઆત કરી હતી. શરૂઆતના સમયમાં જે સ્વાદ આ ટુટીફ્રુટી આઈસ્ક્રીમનું હતું. એ જ સ્વાદ આજે પણ કાયમ રાખવામાં આવ્યો છે અને લોકોને આ આઇસ્ક્રીમ ખાવામાં ખૂબ જ આનંદ આવે છે. આ સ્પેશિયલ ટુટીફ્રુટી આઈસ્ક્રીમની માંગ હંમેશા રહેતી જ હોય છે.