સમગ્ર રાજ્યમાં છેલ્લા 2 દિવસથી ઠંડીમાં ઘટાડો થયો છે. લઘુતમ તાપમાનનો (Gujarat Weather Report) પારો ઉંચે ચડ્યો હતો. ત્યારે આજે ગુરૂવારે પણ રાજ્યના જિલ્લાઓમાં તાપમાન 12 ડિગ્રીથી 19 ડિગ્રી વચ્ચે નોંધાયું છે.
કચ્છ:રાજ્યના હવામાનમાં (Gujarat Weather Report) છેલ્લાં થોડાંક દિવસથી ફરી નોંધપાત્ર ફેરફાર થયો છે. હવામાન વિભાગની આગાહી મુજબ આગામી દિવસોમાં ઠંડીનો પારો 4થી 5 ડિગ્રી સુધી એટલે કે 3 ફેબ્રુઆરી સુધી ઠંડી (Cold Temperature in Gujarat) ઓછી પડશે જે બાદ ફરી વધશે. આજે ગુરૂવારે દરિયા કાંઠાના વિસ્તારોમાં પવનનું જોર વધશે તેવી પણ આગાહી કરવામાં આવી છે.
રાજ્યમાં ઠંડીનું પ્રમાણ ઘટ્યું છે સાથે સાથે સવારના 9:30 વાગ્યા સુધી અનેક જિલ્લાઓમાં ધુમ્મસભર્યું વાતવરણ જોવા મળ્યું હતું. જેમાં ધુમ્મસભર્યું વાતાવરણ સર્જાતાં વાહનચાલકોને વાહન ચલાવવામાં પણ તકલીફ વેઠવી પડી હતી. તેમજ રાજ્યમાં ઠંડા પવનો પણ અનુભવાયા હતા. રાજ્યના જિલ્લાઓમાં લઘુતમ તાપમાનનો પારામાં નોંધપાત્ર ફેરફાર જોવા મળ્યો છે. તમામ જિલ્લાઓમાં લઘુતમ તાપમાનનો પારો 12 ડિગ્રીથી ઉપર નોંધાયો છે.સૌથી ઓછું તાપમાન જૂનાગઢ ખાતે 12.0 નોંધાયું છે.તો આજે સમગ્ર રાજ્યમાં ખુલ્લું વાતાવરણ જોવા મળશે.
