વહી જતાં વરસાદી પાણીથી કૂવા અને બોર રિચાર્જ કરાયા, જૂઓ કચ્છના એક ગામની ભગીરથ ગાથા

કચ્છ જિલ્લાના માંડવી તાલુકાના બિદડા ગામના ખેડૂતો વિવિધ સમાજના આગેવાનો માટે ખેતી અને બાગાયતી પાકમાં પાણીની મોટી સમસ્યા હતી. જ્યાં પાણી હોય ત્યાં TDS વધી જવાથી ઉત્પાદનને પણ મોટી અસર પડી રહી હતી. જેથી ગત વર્ષે આ સમસ્યાના ઉકેલ માટે વિચાર આવ્યો અને તેને જીવંત કરવાનું કામ ઉપાડી લેવાયું હતું.

કચ્છ: જિલ્લો પાણીનું મહત્વ જાણે છે સમજે છે અને એટલે જ આ જિલ્લામાં જળ સંચયમાં કામગીરી હંમેશાથી પ્રેરણાદાયી રહી છે. માંડવી તાલુકાના બિદડા ગામના લોકોએ ખેડૂતો સમાજ તમામે સાથે મળીને લોકભાગીદારીથી બિદડા અને આસપાસના 125 બોર, વહી જતાં વરસાદી પાણીથી રિચાર્જ કરવાનું ભગીરથ કાર્ય કર્યુ છે. સાથે જ આ વર્ષ વધુ કૂવાઓ રિચાર્જ કરવાની કામગીરી હાથ ધરી છે.

વહી જતાં વરસાદી પાણીથી કૂવા અને બોર રિચાર્જ કરાયા

માંડવી તાલુકાના બિદડા ગામના યુવાનો ખેડૂતો વિવિધ સમાજના આગેવાનો માટે ખેતી અને બાગાયતી પાકોમાં પાણી મોટી સમસ્યા હતી. જ્યાં પાણી હોય ત્યાં TDS વધી જવાથી ઉત્પાદનને પણ મોટી અસર પડી રહી હતી. ગત વર્ષે આ સમસ્યાના ઉકેલ માટે વિચાર આવ્યો અને તેને મૂર્તિમંત કરવાનું કામ ઉપાડી લેવાયું હતું.

પશ્ચિમ કચ્છ અને માંડવી વિસ્તારમાં નર્મદા સિંચાઈના પાણી ક્યારે મળશે તે નક્કી નહોતું. એટલે હાલ જે બોરકુવા છે તેનું પાણી ખારું થઈ ગયું છે. આ સ્થિતિમાં સમસ્યાનો ઉકેલ કરી લાવતાં લોકોએ સાથે મળીને વહી જતા વરસાદી પાણી બોર અને કૂવા રિચાર્જ કરવાનું કામ ઊપાડી હતું, અને પાઈપ કાંકરી મશીનરી સૌ કોઈએ પોતાની શક્તિ કામે લગાડી 100થી વધુ કૂવા રિચાર્જ કર્યા છે. જેમાં આ વર્ષે વધુ 25 રિચાર્જ કરાશે.

ગામના આગેવાન અમૃતભાઈએ ETV BHARATને જણાવ્યું હતું કે, "ગામના પાણીના તળ ઊંડા જવા સાથે TDS પણ વધી ગયું હતું. જેના કારણે ખેતી બાગાયતી પાકોનું ઉત્પાદન મળતું નહોતું. વળી, નર્મદાના પાણી પણ ક્યારે મળે તે નક્કી નહોતું. જેથી પેટાળમાં જે પાણી છે તેને વધુ સારું બનાવવા રીચાર્જ પર પણ ધ્યાન આપવામાં આવ્યું હતું. ધીમે ધીમે વહી જતાં વરસાદી પાણીથી બોર અને કૂવા રિચાર્જ થયા અને હવે તેના મીઠા ફળ પણ મળી રહ્યા છે. રિચાર્જ માટે પાઇપલાઇન મશીનરી કાંકરી ચીજવસ્તુઓ જોઈતી હતી. જેમાં સમાજના આગેવાનો ખેડૂતો સહયોગ મળતો રહ્યો અને લોકભાગીદારીથી આ કામ શક્ય બન્યું છે. હજુ આ વર્ષ 25 જેટલા કુવા રિચાર્જ થશે."પ્રકાશભાઈ નામના ખેડૂતે અપીલ કરતાં કહ્યું હતું કે, તમારી પાસે જે સુવિધા છે. તેનાથી મંડી પડો સફળતા તમારી રાહ જુએ છે. સહાય મદદ મળે તો ચોક્કસથી કુવા રિચાર્જ માટે મહેનત કરવી જોઈએ. જો તમે એકલા છો તો પણ આ ક્ષેત્રની મહેનત ચોક્કસથી કામ લાગશે. એટલે રિચાર્જ અને જળસંચય માટે સૌ કોઈએ પોતાની જવાબદારી ઉપાડી લેવી જોઈએ."