કચ્છના દરિયાઈ ટાપુ પરથી પોલીસે 24 લાખનો ચરસનો જથ્થો ઝડપ્યો

કચ્છના નિર્જન ટાપુ શેખરાનપીર પાસેથી પોલીસે 16 પેકેડ ચરસનો જથ્થો પકડી પાડયો છે. હાલ વધુ તપાસ ચાલું છે. આ જથ્થાની કિમંત રૂપિયા 24 લાખ હોવાનું જાણવા મળ્યું છે.

કચ્છ: ભૂજ એસપી સૌરભ તોલંબીયાએ જણાવ્યું હતું કે, ગુપ્ત બાતમીના આધારે જખૌથી આગળ દરિયામાં આવેલા શેખરાનપીર ટાપ પાસેથી આ ચરસનો જથ્તો મળી આવ્યો છે. જખૌ મરીન પોલીસ એસઓજી પોલીસે આ કાર્યવાહી પાર પાડી છે. હાલ જખૌ પોલીસ સ્ટેશનમાં આ બાબતે ગુન્હો નોંધવાની કામગીરી થઈ રહી છે. તમામ મુદ્દામાલ 24 લાખ રૂપિયાનો હોવાનું સ્પષ્ટ થયું છે.

ઉલ્લેખનીય છે કે, ચાર દિવસ પહેલા દરિયાઈ માર્ગેથી ઘુસણખોરીની વિગતો અને ઈનપુટને પગલે પોલીસ સહિતની સુરક્ષા એજન્સીઓ દ્વારા કચ્છના દરિયાઈ વિસ્તારમાં સતત ચોકસાઈ દાખવાઈ રહી છે. આ વચ્ચે આ ચરસનો જથ્થો પકડાયો છે.