કચ્છ : ફરી એકવાર કચ્છના હરામીનાળા વિસ્તારમાંથી બોટ મળી આવતા (Pakistani Boat in Kutch) ખળભળાટ ફેલાયો છે. પાકિસ્તાનથી દરિયાઈ સીમા મારફતે ભારતના જળ વિસ્તારમાં માછીમારી માટે આવેલી 1 બોટને ઝડપી લેવામાં આવી છે. સીમા સુરક્ષા દળ (Kutch Border Security Force) દ્વારા કચ્છના હરામીનાળાના વિસ્તારમાંથી 1 બોટને ઝડપી લેવામાં આવી છે.
આ પણ વાંચો :Burning Boat in Valsad: દાંતી દરિયા કિનારે હોડીમાં લાગી આગ, પછી શું થયું જાણો
ફિશિંગ બોટ જપ્ત - હરામીનાળા વિસ્તારમાં બોર્ડર પિલર 1158 નજીક પેટ્રોલિંગ કરી રહેલા BSF ભુજને (Patrolling BSF on Border Pillar 1158) એક પાકિસ્તાની માછીમારી બોટ અને 3-4 પાકિસ્તાની માછીમારોની હિલચાલ નજરે પડી હતી. BSF પાર્ટી પગપાળા સ્વેમ્પ અને ગટરને પાર કરીને તરત જ ઘટના સ્થળે પહોંચી ગઈ હતી. પાકિસ્તાની માછીમારોએ BSFના જવાનોને તેમની તરફ આવતા જોયા અને કાદવ વાળા વિસ્તારનો ફાયદો ઉઠાવીને પાકિસ્તાની માછીમારો નાસી છૂટવામાં સફળ રહ્યા હતા.
આ પણ વાંચો :Drugs Smuggling In Gujarat Coast: જખૌમાં ઝડપાયેલ ડ્રગ્સના કાળા કારોબાર પાછળ કોનો હાથ? જૂઓ સંપૂર્ણ માહિતી
બોટમાં શંકાસ્પદ -કાદવ અને ભેજવાળા વિસ્તારનો લાભ લઈને પાકિસ્તાની ઘૂસણખોર બોટ છોડીને પાકિસ્તાન તરફ ભાગી ગયા હતા. બોટમાંથી ઝડપાયેલી વસ્તુઓમાં માછીમારીની જાળ, માછીમારીના સાધનો, ખાદ્યપદાર્થો, પીવાના પાણીનો સમાવેશ થાય છે. આ વિસ્તારમાં સઘન સર્ચ ઓપરેશન શરૂ (Pakistani Fishermen in Harami Nala Area) કરવામાં આવ્યું હતું અને આ વિસ્તારમાંથી કંઈપણ શંકાસ્પદ મળ્યું નથી. BSFના જવાનો દ્વારા હજુ પણ ઓપરેશન ચાલુ છે.