Corruption: કચ્છમાં બ્રાન્ચ કેનાલના કામમાં ગેરરીતિ, જિલ્લા વિકાસ અધિકારીને આવેદનપત્ર અપાયું

કચ્છના કોજાચોરા ગામે વિજયસાગર ડેમમાંથી બ્રાન્ચ કેનાલના કામમાં ગેરરીતિ (Irregularities in branch canal work of Kutch) થઈ હતી. આ ગેરરીતિને ઉજાગર કરવા જિલ્લા પંચાયતના પૂર્વ વિપક્ષી નેતા વિ.કે.હુંબલ દ્વારા જિલ્લા વિકાસ અધિકારીને આવેદનપત્ર (Application form given to DDO) આપવામાં આવ્યું હતું.

કચ્છ: જિલ્લાના માંડવી તાલુકાના કોજાચોરા ગામે વિજયસાગર ડેમના મુખ્ય કેનાલમાંથી બ્રાન્ચ કેનાલનું (Irregularities in branch canal work of Kutch) કામ માટે સર્વે નં- 210માં 900 mm ડાયામીટરના પાઈપના કામ માટે તાલુકા પંચાયતના સ્વભંડોળમાંથી કામ મંજુર કરવામાં આવ્યા હતા. આ એક જ કામગીરી હોવા છતાં જુદા-જુદા બે પ્લાન એસ્ટીમેન્ટ બનાવવામાં આવ્યા હતા. પાર્ટ -1માં. 3,99,172/- અને પાર્ટ-2માં રૂપિયા 3,97,143 કુલ્લ રૂપિયા 7,96,316નું કામ મંજુર કરવામાં આવ્યું હતું. આ કામનું ટેન્ડર કરવું ન પડે એટલા માટે એક જ કામના બે પાર્ટ કરી દીધા હતાં. આ કામ માટેના પ્લાન એસ્ટીમેટ જિલ્લા પંચાયતના સિંચાઈ વિભાગના કાર્યપાલક ઈજનેર દ્વારા બનાવવામાં આવ્યા છે, જેમાં આ કામગીરી માટે કુલ્લ 280 રનીંગ મીટર 900 mm ડાયામીટરના પાઈપ નાખવાના હતા તેમજ ચેમ્બર બનાવવાનું અને ખોદાણનું કામ કરવાનું હતું, તેવું પૂર્વ વિપક્ષી નેતા વિ.કે.હુંબલે જણાવ્યું હતું.

આ પણ વાંચો: બીલીમોરા પાલિકામાં ભ્રષ્ટાચારની ગંધ, ટેન્ડર પ્રક્રિયા અને મંજૂરીમાં ગેરરીતિ આચર્યાની ફરિયાદ પર વિજિલન્સ તપાસ

બ્રાન્ચ કેનાલના કામમાં આચરાઈ ગેરરીતિ: વિ.કે.હુંબલ

તાલુકા પંચાયત મારફતે આ કામગીરી કોજાચોરા ગ્રામ પંચાયતને (irregularities in branch canal work) આપવામાં આવી હતી અને આ કામ પૂરું થયે સરકારી ધારાધોરણ મુજબ કામના માપ લઇ એમ.બી રેકર્ડ કરવાની જવાબદારી સિંચાઈ વિભાગના નાયબ કાર્યપાલક ઈજનેર તેમજ કાર્યપાલક ઈજનેર દ્વારા કરવામાં આવી છે. જેમાં પ્લાન એસ્ટીમેન્ટ મુજબ 900 mm ડાયામીટરના પાઈપ નખાયાનું બીલ બનાવવામાં આવ્યુ છે અને જેની એમ.બી. પણ રેકર્ડ કરવામાં આવી હશે પરંતુ તેની સામે આ કામે 750 ડાયામીટરના પાઈપ વાપરવામાં આવ્યા હતાં.

કચ્છમાં બ્રાન્ચ કેનાલના કામમાં ગેરરીતિ બાબતે અપાયું જિલ્લા વિકાસ અધિકારીને આવેદનપત્ર

સિંચાઈ વિભાગના અધિકારીઓ ભ્રષ્ટાચાર માટે જવાબદાર: પૂર્વ વિપક્ષી નેતા

આ કામગીરીમાં મોટાપાયે ભ્રષ્ટાચાર હોવાનું જાણ થતા ત્યાના સ્થાનિક ખેડૂત દ્વારા TDO અને DDOને પણ જાણ કરવામાં આવી હતી અને આ કામગીરીનું ચુકવણું પુરતી તપાસ કર્યા સિવાય ન કરવાની રજૂઆત કરવામાં હતી. તેમ છતાં મોટાપાયે ભ્રષ્ટાચાર કરવાના ઈરાદાથી આ કામનું પણ ચુકવણું કરી દેવામાં આવ્યું છે. આ કામમાં મુખ્ય જવાબદાર સિંચાઈ વિભાગના કાર્યપાલક ઈજનેર, નાયબ કાર્યપાલક ઈજનેર, TDO, સરપંચ અને તલાટી છે. કારણ કે તેમને જાણ હોવા છતાં કામનું ચુકવણું પણ કરવામાં આવ્યું છે તેવા આક્ષેપ પૂર્વ વિપક્ષી નેતાએ કર્યા હતાં.

કચ્છમાં બ્રાન્ચ કેનાલના કામમાં ગેરરીતિ બાબતે અપાયું જિલ્લા વિકાસ અધિકારીને આવેદનપત્ર

1 પાઈપ દીઠ કરાયો 2500 રૂપિયાનો ભ્રષ્ટાચાર

આ કામગીરી અંગે વિપક્ષ દ્વારા સ્થળ પર રૂબરૂ જઈને તપાસ પણ કરવામાં આવી હતી અને પાઈપનું માપ લેતા પાઈપ 750 mm ડાયામીટરના રાખવામાં આવ્યા હતા, તેવું બહાર આવ્યું હતું. જેથી એક પાઈપ દીઠ રૂપિયા 2500નો ભ્રષ્ટાચાર કરવામાં આવ્યું છે અને કુલ 115 પાઈપ લેખે અંદાજીત રૂપિયા 3 લાખ રૂપિયાનો ભ્રષ્ટાચાર ખાલી પાઈપમાં જ કરવામાં આવ્યો છે તેવું પૂર્વ વિપક્ષી નેતા વી.કે. હુંબલે જણાવ્યું હતું.

આ પણ વાંચો: ગાંધીનગરની પ્રાંતિયા સહકારી મંડળીના પૂર્વ સેક્રેટરી સામે એક કરોડની ગેરરીતિ મામલે ફરીયાદ

બિલો 900 ડાયામીટરના, જ્યારે 750 ડાયામીટરના પાઈપ લગાડાયા

આ ઉપરાંત આ ભ્રષ્ટાચારમાં (Corruption news Kutch) બનાવેલા બિલ અંગે વાતચીત કરતા વિપક્ષી નેતાએ જણાવ્યું હતું કે, પાઈપ સપ્લાયનું કામ સ્વામી આર.સી.સી. પાઈપ ફેક્ટરી, ભુજ દ્વારા કરવામાં આવી છે અને જેને પાકા બિલ 900 ડાયામીટરના બનાવ્યા અને હકીકતમાં ત્યાં સાઈટ પર 750 ડાયામીટરના પાઈપ પહોંચાડવામાં આવ્યા છે. આમ બધા સાથે મળી અને મિલીભગત કરી અને ભ્રષ્ટાચાર આદરવામાં આવી છે. જે ઓન રેકર્ડ ઉપર છે તેવો આક્ષેપ પૂર્વ વિપક્ષી નેતાએ કર્યો હતો.

અગાઉ પણ અનેકવાર ભ્રષ્ટાચાર કરાયાના આક્ષેપો

કચ્છ જિલ્લા પંચાયતમાં અગાઉ પણ અનેકવાર મોટાપાયે ભ્રષ્ટાચારઆદરવામાં આવ્યો છે અને જેમાં મુખ્ય સિંચાઈ વિભાગમાં જ મોટો ભ્રષ્ટાચાર થઈ રહ્યો છે. જો સિવિલ વર્કમાં આટલો મોટો ભ્રષ્ટાચાર કરવામાં આવ્યો હોય તો તળાવો ઊંડા કરવાની કામગીરી થાય છે તેમાં તો માત્ર 10 ટકા જ કામ થાય છે, 90 ટકા ભ્રષ્ટાચાર કરવામાં આવી રહ્યો છે.

જવાબદારો સામે કાયદેસરની કાર્યવાહી કરવામાં આવે: પૂર્વ વિપક્ષી નેતા

કચ્છ જિલ્લા પંચાયતના પૂર્વ વિપક્ષી નેતા વી.કે. હુંબલે વધુમાં જણાવ્યું હતું કે, દેશના વડાપ્રધાન વારંવાર દાવા કરે છે કે હું ખાતો નથી અને ખાવા દેતો નથી પરંતુ કચ્છ જિલ્લા પંચાયતમાં ભાજપના નેતાઓ દ્વારા મોટાપાયે ભ્રષ્ટાચાર કરવામાં આવી રહ્યો છે. જે આ કામ ઉપરથી સાબિત થાય છે. અમારી માંગણી છે કે આ કામની ચકાસણી સિંચાઈ વિભાગ સિવાયના અને માંડવી તાલુકા સિવાયના આર.એન્ડ.બી.ના ઈજનેરો મારફત તપાસ કરાવી અને જવાબદારો સામે કાયદેસરની કાર્યવાહી કરવામાં આવે.

જવાબદાર લોકોની સામે કાર્યવાહી કરાશે: DDO

આ મામલે જિલ્લા વિકાસ અધિકારીએ જણાવ્યું હતું કે, વિજયસાગર ડેમની મુખ્ય કેનાલમાંથી બ્રાન્ચ કેનાલના કામમાં એસ્ટીમેટ મુજબ કામ કરવામાં નથી આવ્યું અને ઓછું કામ કરવામાં આવ્યું છે. આ ઉપરાંત જે ડાયામીટરના પાઈપ બનાવવામાં આવ્યા છે તેનાં કરતા ઓછા ડાયામીટરના પાઈપ લગાડવામા આવ્યા છે તેવી રજૂઆત કરવામાં આવી છે અને આવેદનપત્ર આપવામાં આવ્યું છે. ત્યારે આ કામગીરી અંગેના પાકા બિલો તથા ગ્રાઉન્ડ લેવલથી એક રિપોર્ટ મંગાવવામાં આવશે અને જો કોઈ પણ લોકોની બેજવાબદારી અને સંડોવણી સામે આવશે તો તેમની સામે કાયદેસરની કાર્યવાહી કરવામાં આવશે.