માંડવીમાં દારૂના બુટલેગરે પોલીસ વાહન પર કાર ચડાવી નાસવાનો કર્યો પ્રયાસ

માંડવીના રૂકમાવતી નદી વાળા પુલથી માંડવી તરફ આવતા ગઢરાંગવાળા માર્ગ પર કારથી આવતા દારૂના બુટલેગરને પોલીસે પકડવાની કાર્યવાહી કરી હતી. આરોપીએ પૂરઝડપે કાર ચલાવી પોલીસના વાહન પર કાર ચડાવવાનો પ્રયાસ કરતાં જોખમી દ્રશ્યો સર્જાયા હતા.

• ખાનગી બાતમીના આધારે પોલીસે ચેકિંગ બંદોબસ્ત ગોઠવ્યો હતો
• પોલીસ વાહન પર કાર ચડાવી નાસવાનો કર્યો પ્રયાસ
• દારૂની 12 બોટલ સાથે ઝડપાયો આરોપી
• બુટલેગરે પોલીસના વાહન તથા એક રિક્ષાને મારી ટક્કર

કચ્છ:દારૂની હેરફેર અંગેની ખાનગી બાતમીના આધારે પોલીસે માંડવીના રૂકમાવતી નદી વાળા પુલ પાસે ચેકિંગ બંદોબસ્ત ગોઠવ્યો હતો. આ દરમિયાન ખાનગી બાતમી મળી હતી. આ બાતમી મુજબની કાર આવતા દારૂના બુટલેગરે પોતાની કાર પૂરઝડપે ચલાવી નાસવાનો પ્રયાસ કર્યો હતો અને પોલીસના વાહન તથા એક રિક્ષાને ટક્કર મારી હતી.

આ પણ વાંચો:અરવલ્લી LCBએ હત્યાના આરોપી અને બુટલેગર સુકા ડુંડને ઝડપી લીધો

પોલીસે આરોપીને ઝડપી કાર્યવાહી હાથ ધરી

અંતે પોલીસે આરોપી વિનોદ અજીતસિંહ ચુડાસમાને અંગ્રેજી દારૂની 12 બોટલ અને કાર સાથે ઝડપી લીધો હતો. નાસવાના પ્રયાસમાં બુટલેગરે હેરિટેજ દીવાલમાં પણ કાર ભટકાવતા દીવાલને પણ હાનિ પહોંચાડી હતી. આરોપી વિરૂદ્ધ IPC-કલમ 307, 427, 279, 337 મુજબ ગુનો નોંધીને કાયદેસરની કાર્યવાહી હાથ ધરવામાં આવી હતી.

આ પણ વાંચો: અમદાવાદમાં બુટલેગર પોલીસને ધમકાવતો વીડિયો વાઇરલ