કચ્છ રવાપર પાસે ગમખ્વાર અકસ્માત, 3ના મોત, 10 ઘાયલ

કચ્છ : નખત્રાણા તાલુકાના રવાપર અને માતાના મઢ વચ્ચે અકસ્માત થયો હતો. માંડવીના સલાયાની મહિલા-બાળ દર્શનાર્થીઓને લઈ જતી તૂફાન જીપ અને ખાનગી કંપનીના કર્મચારીઓની ઈસુઝુ કાર વચ્ચે અકસ્માત સર્જાયો હતો. આ ગમખ્વાર માર્ગ અકસ્માતમાં 3 લોકોના મોત નિપજ્યા હતા. જયારે 12થી વધુ લોકોને ઈજા પહોંચી હતી. આ અકસ્માતમા 2 યુવકોના સ્થળ પર મોત નીપજ્યાં હતા. જયારે 1 વ્યકિતનું સારવાર દરમિયાન મોત નિપજયુ હતું.

નખત્રાણા તાલુકાના રવાપર અને માતાના મઢ વચ્ચે સર્જાયેલ ગમખ્વાર દુર્ઘટનામાં ઈસુઝુ કારમાં ઘડાણી ગામના સચિન જોશી અને અન્ય એક કર્મચારીનું સ્થળ પર જ મોત નીપજ્યું હતું. જ્યારે સલાયાની ખતુબાઈ આદમ તુર્ક નામની 70 વર્ષીય મહિલાનું નખત્રાણામાં સારવાર દરમિયાન મોત નિપજ્યુ હતું. તેમજ અન્ય 12 લોકોને નાની-મોટી ઈજા સાથે ભુજ જી.કે. જનરલ હોસ્પિટલ ખાતે ખસેડાયાં હતા.

માહિતી મુજબ ઈસુઝુ કારમાં સવાર 3 પૈકી 2 કર્મચારીના સ્થળ પર મોત નીપજ્યાં હતા. જયારે જીપમાં સવાર મહિલા-બાળકોને હોસ્પિટલ ખસેડાયા હતાં. સલાયાના મહિલા-બાળકો દયાપર નજીક આવેલી કોરા શરીફની દરગાહે માથું ટેકવવા આવ્યા હતાં.

કચ્છ રવાપર પાસે ગમખ્વાર અકસ્માતમા 3ના મોત 10થી વધુ ઘાયલ

કચ્છ રવાપર પાસે ગમખ્વાર અકસ્માતમા 3ના મોત 10થી વધુ ઘાયલ