ખેડા કોરોના અપડેટ : 31 નવા પોઝિટિવ કેસ નોંધાયા

ખેડા જિલ્લામાં કોરોના સંક્રમણમાં વધારો થઈ રહ્યો છે. કોરોના પોઝિટિવ કેસ વધવાના દરમાં પણ સતત વધારો થઈ રહ્યો છે. જિલ્લામાં શુક્રવારે નડીયાદ, કઠલાલ, મહેમદાવાદ, મહુધા અને વસોમાં મળી કુલ 31 નવા કેસો નોંધાયા છે.

• ખેડા જિલ્લામાં વધી રહેલું કોરોના સંક્રમણ
• કેસો વધવાના દરમાં સતત થઈ રહેલો વધારો
• જિલ્લામાં નવા 31 પોઝિટિવ કેસ નોંધાયા

ખેડા : જિલ્લામાં કોરોના સંક્રમણમાં વધારો થઈ રહ્યો છે. કોરોના પોઝિટિવ કેસ વધવાના દરમાં પણ સતત વધારો થઈ રહ્યો છે. જિલ્લામાં શુક્રવારે નડીયાદ, કઠલાલ, મહેમદાવાદ, મહુધા અને વસોમાં મળી કુલ 31 નવા કેસો નોંધાયા છે.

ખેડા જિલ્લામાં વધી રહેલો કોરોનાનો કહેર

દિવાળીના તહેવારો બાદ નડિયાદ શહેર સહિત ખેડા જીલ્લામાં કોરોના પોઝિટિવના કેસોમાં સતત વધારો થઈ રહેલો જોવા મળી રહ્યો છે.પ્રતિદિન વધતી સંખ્યામાં નવા કેસો સામે આવી રહ્યા છે.આજે નડીઆદમાં 13,મહેમદાવાદમાં 8, કઠલાલમાં 7, વસોમાં 2 અને મહુધામાં 1 મળી કુલ 31 નવા કોરોના કેસો નોંધાયા છે.

કુલ 2035 કેસો નોંધાયા

ખેડા જિલ્લામાં અત્યાર સુધી કુલ કોરોના પોઝિટિવ કેસોની સંખ્યા 2,035 થઇ છે. જેમાંથી 1,902 દર્દીઓને રજા આપવામાં આવી છે. જ્યારે હાલ કુલ 118 દર્દીઓ સારવાર હેઠળ છે.

તંત્ર દ્વારા ગંભીરતાપૂર્વક હાથ ધરાઈ કાર્યવાહી

ખેડા જિલ્લામાં વધતા સંક્રમણને પગલે તંત્ર દ્વારા ગંભીરતાપૂર્વક કાર્યવાહી હાથ ધરવામાં આવી છે. કોવિડ ગાઈડલાઈનનું ચુસ્ત પાલન કરાવવામાં આવી રહ્યું છે. નડિયાદ શહેરમાં વધી રહેલા સંક્રમણને લઈને તંત્ર દ્વારા સંતરામ મંદિર બહાર રેપિડ ટેસ્ટિંગ સેન્ટર શરૂ કરવામાં આવ્યું છે.