કાનૂની શિક્ષણ સાથે કરાયું વ્યસનમુક્તિના કાર્યક્રમનું આયોજન

ખેડા: ‘વર્લ્ડ નો ટોબેકો ડે’ નિમિત્તે કાયદાકીય જનજાગૃતિ તથા વ્યસનમુક્તિ લાવવાના હેતુસર પલાણા ITI ખાતે કાનૂની શિક્ષણ કાર્યક્રમનું આયોજન કરવામાં આવ્યું હતું.

જિલ્લા કાનૂની સેવા સત્તા મંડળ તેમજ જિલ્લા ન્યાયાલય નડિયાદ સેક્રેેટરી આર.એલ.ત્રિવેદીના અધ્યક્ષસ્થાને આ ક્રર્યક્રમનું આયોજન કરવામાં આવ્યું હતું. જેમાં રોજગારલક્ષી તાલીમ મેળવતા યુવાનોને જરૂરી કાયદાકીય માહિતી પુરી પાડવામાં આવી હતી. આ ઉપરાંત વ્યસનમુક્તિ અંગે સઘન કામગીરી કરતી સામાજિક સંસ્થા નવપ્રભાત વ્યસનમુક્તિ અને પુન:વસન કેન્દ્ર દ્વારા વ્યસનથી થતાં ગંભીર રોગો અને સામાજિક અસરો અંગે પ્રદર્શન યોજવામાં આવ્યું હતું. તેમજ દેશની યુવાપેઢી એ દેશનું ભાવિ છે અને આ ભાવિ વ્યસનના ઝપાટામાં આવે તે દેશ અને યુવાજનો માટે નકારાત્મક બાબત છે. આથી તેમણે યુવાધનને વ્યસન ન કરવાની અપીલ કરી હતી.