નડિયાદમાં 16 સહિત ખેડામાં બુધવારના રોજ વધુ 33 કોરોના કેસ નોંધાયા

ખેડા જિલ્લામાં કોરોના સંક્રમણમાં પ્રતિદિન વધારો થતો જઈ રહ્યો છે. જિલ્લાના વિવિધ વિસ્તારોમાં કોરોના પોઝિટિવ દર્દીઓ વધતા જઈ રહ્યા છે. નડિયાદમાં 16 સાથે બુધવારના રોજ જિલ્લામાં 33 નવા કેસો નોંધાયા છે.

• દિવાળી બાદ જિલ્લામાં સતત વધી રહેલું કોરોના સંક્રમણ
• જિલ્લામાં બુધવારના રોજ નવા 33 કેસો નોંધાયા
• સંક્રમણ વધતા તંત્ર દ્વારા હાથ ધરાઈ કાર્યવાહી

ખેડાઃ દિવાળીના તહેવારો બાદ ખેડા જિલ્લામાં કોરોના સંક્રમણમાં સતત વધારો થઈ રહેલો જોવા મળી રહ્યું છે. જિલ્લામાં કોરોના પોઝિટિવ દર્દીઓની સંખ્યા સતત વધતી જઈ રહી છે. જિલ્લાના વિવિધ વિસ્તારોમાંથી રોજે રોજ વધતી સંખ્યામાં નવા કોરોના કેસ સામે આવી રહ્યા છે. ખેડા જિલ્લામાં રોજ નવા 33 કેસ નોંધાવા પામ્યા છે. જેમાં નડિયાદમાં 16, કઠલાલમાં 8, મહેમદાવાદમાં 5, વસોમાં 2, ખેડામાં 1 અને કપડવંજમાં 1 મળી કુલ 33 નવા કેસો નોંધાયા છે. જે સાથે જિલ્લામાં કેસોનો કુલ આંકડો 2199 થયો છે.

નડિયાદમાં 16 સહિત ખેડામાં આજે વધુ 33 કોરોના કેસ નોંધાયા

જિલ્લામાં અત્યાર સુધી કુલ 32897 સેમ્પલ લેવાયા

ખેડા જિલ્લામાં અત્યાર સુધી કુલ 32,897 સેમ્પલ લેવામાં આવ્યા છે. જેમાંથી 30,059 નેગેટિવ અને 2199 પોઝિટિવ કેસ નોંધાયા છે, જ્યારે 1078 સેમ્પલના રિઝલ્ટ પેન્ડિંગ છે.

નડિયાદમાં 16 સહિત ખેડામાં આજે વધુ 33 કોરોના કેસ નોંધાયા

વધતા સંક્રમણને લઈ તંત્ર દ્વારા કાર્યવાહી હાથ ધરાઈ

મહત્વનું છે કે જિલ્લામાં વધતા જઈ રહેલા કોરોના સંક્રમણને પગલે લોકોની ચિંતામાં પણ વધારો થયો છે. ત્યારે તંત્ર દ્વારા રેપિડ કોરોના ટેસ્ટિંગની સગવડો ઉભી કરવા સાથે ફૂટ પેટ્રોલિંગ અને માસ્કના સઘન ચેકિંગ સહિતની વિવિધ કામગીરી હાથ ધરવામાં આવી છે.