ખેડા જિલ્લાના હરિપુરા ગામે ખેતરમાં આગ લાગતા પાક બળીને ખાખ

ખેડા જિલ્લાના ઠાસરા તાલુકાના હરિપુરા ગામે એક ખેતરમાં આગ લાગી હતી, જેથી ખેડૂતનો ઘઉંનો તૈયાર પાક બળીને ખાક થઈ ગયો હતો. ખેતર પરથી પસાર થઈ રહેલી વીજલાઈનમાં શોર્ટ સર્કિટ થતા આગ લાગી હતી.

• વીજલાઈનમાં શોર્ટ સર્કિટ થતા ખેતરમાં આગ લાગી
• તણખા નીચે પડતા ઘઉંના પાકમાં આગ લાગી હતી
• ખેડૂતોએ ટ્રેક્ટરથી ખેતર ખેડી આગ ફેલાતી રોકી

ખેડાઃ જિલ્લાના ઠાસરા તાલુકાના હરિપુરા ગામે ખેતર પરથી પસાર થઈ રહેલી વીજલાઈનમાં પવનને કારણે શોર્ટ સર્કિટ થતા તણખા નીચે પડતા ખેતરમાં તૈયાર ઘઉંના પાકમાં આગ લાગી હતી. આ આગ થોડા સમયમાં જ ઝડપથી ફેલાવા લાગી હતી.

ખેડા જિલ્લાના હરિપુરા ગામે ખેતરમાં આગ લાગતા પાક બળીને ખાખ

ફાયરને વારંવાર કોલ કરવા છતાં કોલ રિસિવ ન કર્યો

ખેતરમાં આગ લાગતા આજુબાજુના લોકો એકત્ર થઈ ગયા હતા. આ અંગે ફાયરને વારંવાર કોલ કરવા છતાં કોલ રિસિવ કરાયો ન હોતો. જેથી આખરે ભારે જહેમત બાદ ખેડૂતોએ ટ્રેક્ટર વડે ખેતર ખેડી આગને ફેલાતી અટકાવી હતી.

આ પણ વાંચોઃ મોડાસાના ટીંટોઈમાં ઘઉંના ખેતરમાં આગ, 4 ખેડૂતોના 400 મણ ઘઉં બળીને ખાખ

તૈયાર ઘઉંનો પાક બળીને ખાખ

ભારે પવનને કારણે આગ ઝડપથી ફેલાઈ હતી. જેને કારણે પાંચ વિઘા ઉપરાંતની જમીનમાં વાવેતર કરેલો ઘઉંનો પાક બળીને ખાખ થઈ ગયો હતો. તૈયાર પાક બળી જતા મહામહેનતે ખેડૂતના હાથમાં આવેલો કોળિયો ઝૂંટાઈ ગયો હતો.