તંત્રની ઢીલી કામગીરીથી કંટાળી જૂનાગઢમાં વ્યક્તિનો આત્મવિલોપનનો પ્રયાસ

જૂનાગઢઃ જિલ્લાના રહીજ ગામે સરકારી પેશકદમી દુર કરવા બાબતે અવાર-નવાર રજૂઆત કરવા છતાં કોઇ પગલાં ન લેવાતા માંગરોળ તાલુકા પંચાયત કચેરી સામે એક વ્યક્તિએ આત્મવિલોપનો પ્રયાસ કર્યો હતો.

માંગરોળ નજીકના રહીજ ગામના એક નાગરીક દ્વારા ગામમાં અવાર નવાર ગ્રામ પંચાયતની જમીનમાં પેશકદમી થતી હોવાની માંગરોળના ટીડીઓને લેખીત તથા મૌખીક રજૂઆત કરી હતી, પરંતુ ટીડીઓ દ્વારા આ બાબતે કોઇપણ જાતના પગલાં ન લેવાતાં આખરે આ ઇસમ દવારા માંગરોળ તલુકા પંચાયત સામે કેરોસીન છાંટી આત્મવિલોપનનો પ્રયત્ન કરવામાં આવ્યો હતો.

માંગરોળ મરીન પોલીસે આ ઇસમની અટકાયત કરી હતી. જ્યારે આ બાબતની ટીડીઓને જાણ કરતાં ટીડીઓ દ્વારા આ પ્રશ્નનો ચાર દિવસમાં નિકાલ કરવાની ખાત્રી આપતાં મામલો થાળે પડ્યો હતો.