જૂનાગઢમાં પાનના ગલ્લા ખુલતા પોલીસની નિશ્રા હેઠળ તમાકુનું વેચાણ શરૂ

જૂનાગઢમાં તમાકુનું વેચાણ પણ પોલીસની હાજરીમાં શરૂ કરવામાં આવ્યું છે. 55 દિવસ સુધી બંધ રહેલા પાન માવા મસાલાની દુકાનોને ચોથા તબક્કામાં વહેચવાની મંજૂરી આપવામાં આવતા હજારોની સંખ્યામાં તમાકુના વ્યસનીઓએ દુકાન બહાર તમાકુની ખરીદી કરવા માટે લાંબી લાઇનો લગાવી હતી.

જૂનાગઢ : લોકડાઉન દરમિયાન પ્રતિબંધિત એવા પાન માવા મસાલાને ચોથા તબક્કાના લોકડાઉનમાં અને 55 દિવસ બાદ મંજૂરી આપવામાં આવી છે. ત્યારે તમાકુના વ્યસનીઓએ તમાકુ સોપારી સહિતની વસ્તુઓ લેવા માટે લાંબી લચક લાઇનો લગાવી હતી. જે પ્રકારે ત્રીજા તબક્કાના લોકડાઉનમાં દારૂ જેવાં કેફી પીણાના વેચાણને સરકાર દ્વારા મંજૂરી આપવામાં આવી હતી. જેમાં પોલીસની હાજરીમાં સમગ્ર વેચાણ કરવામાં આવતું હતું. આ જ પ્રકારે ચોથા તબક્કાના લોકડાઉનમાં પણ પોલીસની હાજરી વચ્ચે તમાકુનું વેચાણ શરૂ કરવામાં આવ્યું છે.

જે પ્રકારે પ્રથમ ત્રણ તબક્કાના લોકડાઉન બાદ 55 દિવસ સુધી તમાકુ અને તેની બનાવટોના વેચાણ પર પ્રતિબંધ લાદવામાં આવ્યો હતો ત્યારે 55 દિવસ બાદ ફરી તમાકુ અને તેની બનાવટને વહેંચવાની મંજૂરી મળતા હજારોની સંખ્યામાં તમાકુના વ્યસનીઓએ તમાકુ વહેંચતા વ્યાપારિક સંકુલો બહાર લાંબી લચક લાઇનો લગાવી હતી. તેમજ 55 દિવસ બાદ તમાકુ મળ્યાનો આનંદ જાણે કે, આ તમાકુના વ્યસનીઓના ચહેરા પર સ્પષ્ટ જોઈ શકાતો હતો. તમાકુની ખરીદી માટે મજુરથી લઇને મેનેજર અને મહિલાઓ પણ લાઇનમાં ઊભી રહેલી જોવા મળી હતી. જે પ્રકારે વ્યસનીઓ તમાકુ લેવા માટે વહેલી સવારથી જ જૂનાગઢના રાજમાર્ગો પર શિસ્તબદ્ધ રીતે લાઈન લગાવીને ઊભેલા જોવા મળતા હતા. ત્યારે એ નક્કી કરવું ખૂબ જ મુશ્કેલ ભર્યુ બનતું હતું કે, આ લોકો જીવનજરૂરી ચીજવસ્તુઓની ખરીદી કરવા માટે કતારોમાં ઉભેલા છે કે, વ્યસનની કોઈ ચીજોની ખરીદી કરવા માટે