વરસાદના પાણી પડતાં જ જૂનાગઢનું કુદરતી સૌંદર્ય સોળે કળાએ ખીલી ઉઠ્યું

જૂનાગઢ શહેર અને આસપાસના વિસ્તારોમાં વરસાદ પડતા પ્રકૃતિ સોળે કળાએ ખીલી રહી છે. જૂનાગઢમાં આવેલા વેલિંગ્ડન ડેમ નજીક કુદરતી સૌંદર્ય ખીલી ઉઠતા કપિરાજો પણ શિસ્તબદ્ધ રીતે પ્રકૃતિનો નજારો માણતા હોય તેવા દ્રશ્યો જોવા મળ્યા હતા.

• વરસાદના અમી છાંટણા પડતા દાતાર અને ગિરનારનું કુદરતી સૌંદર્ય ખીલી ઉઠ્યું
• કુદરત જાણે ખીલી ઉઠી હોય તેવા દ્રશ્યો સર્જાયા
• કપિરાજો પણ સેલ્ફી પોઝમાં જોવા મળ્યા

જૂનાગઢ : શહેર તેમજ ગિરનાર અને દાતાર પર્વત પર થોડા દિવસોથી વરસાદ પડી રહ્યો છે. જેને લઇને ગીરનું જંગલ સોળે કળાએ ખીલી રહ્યું હોય તેવા દ્રશ્યો જૂનાગઢ શહેરમાં જોવા મળી રહ્યા છે. સામાન્ય વરસાદ પડતાની સાથે જ દાતાર અને ગિરનાર પર્વત પરનુ કુદરતી સૌંદર્ય ખીલી ઉઠ્યું હોય તેવા દ્રશ્યો આજે જોવા મળી રહ્યા છે.

દાતાર પર્વતની ગોદમાં આવેલા વેલિંગ્ટન ડેમ સાઈટ પર કપિરાજો પણ કુદરતનો નજારો જોવા માટે આકર્ષાયા હોય તે રીતે સેલ્ફી પોઝમાં જોવા મળ્યા હતા. તેમજ કપિરાજોની આ ફોજ શિસ્તબદ્ધ રીતે ડેમ સાઈટ પર એક કતારમાં બેસીને કુદરતનો નજારો શાંત ચિત્તે માણતા હોય તેવા દ્રશ્યો આજે વેલિંગ્ડન ડેમ સાઈટ પર જોવા મળ્યા હતા.