બે દિવસ પહેલા જૂનાગઢ જિલ્લાના કેશોદમાં સરકાર દ્વારા ખરીદ કરવામાં આવેલી તુવેરમાં ભેળસેળ બહાર આવી હતી જેને લઈને પુરવઠા નિગમ અને નાફેર્ડના અધિકારીઓ દ્વારા સ્થળ પર તપાસ કરીને સમગ્ર મામલે તપાસ કરીને આરોપીઓને આકરી સજા કરવાની વાત કરી હતી ત્યારે આજે ખેડૂત હિત રક્ષક સમિતિ કેશોદ દ્વારા યાર્ડમાં આંદોલનની શરૂઆત કરવામાં આવી હતી. જેમાં કેટલાક ખેડૂતો પણ જોડાયા હતા.
કેશોદ યાર્ડના પટાગણમાં આંદોલન ચાલી રહ્યું હતું ત્યારે આંદોલનકારીઓને મેંદરડા પંથકના એક ખેતરમાં શંકાસ્પદ તુવેરનો જથ્થો પડ્યો હોવાની બાતમી મળતા સમિતિના સભ્યો દ્વારા મેંદરડા પંથકના એક ખેતરમાં તપાસ કરતા ત્યાં 600 કરતા વધુ બોરી તુવેરની મળી આવી હતી.સમિતિના સભ્યો દ્વારા વધુ તપાસ કરતા આ તુવેરનો જથ્થો ગુજરાત બહારના અન્ય રાજ્યોનો હોવાનું ખુલ્યું છે પરંતુ ગુજરાત રાજ્ય સરકાર દ્વારા ટેકાના ભાવે ખરીદ કરીને મારવામાં આવતા કેટલાક ટેગ પણ મળ્યા છે. જે અનેક શંકાઓ ઉભી કરી રહયા છે.