એક તરફ કેન્દ્ર અને રાજ્ય સરકાર ઉર્જા બચાવો ના કાર્યક્રમો કરીને સંભવિત ઊર્જાના વ્યયને બચાવવા માટે બેનરો થી લઈને લોકજાગૃતિ સુધીના કાર્યક્રમો કરી રહી છે. તો બીજી તરફ સરકારનાજ કહી શકાય તેવા મનપાના કર્મચારી અને અધિકારીઓ ઊર્જાનો વ્યય કરતા જોવા મળી રહ્યા છે.
કેન્દ્ર અને રાજ્ય સરકાર દ્વારા ઊર્જા બચાવવા પાછળ પણ લાખોનો ખર્ચો કરવામાં આવે છે તેમ છતાં ઊર્જા બચાવવાને લઈને ખુદ સરકારના વિભાગો જ જાગૃત નથી જેને લીધે ઊર્જાનો વ્યય તો થઈ રહ્યો છે. પરંતુ ઊર્જા બચાવવા ના કાર્યક્રમ પાછળ ખર્ચાતા કરોડો રૂપિયા પણ વ્યય થઈ રહ્યા છે.
જો આ જ રીતે ઊર્જાનું સંરક્ષણ કરવાનો કાર્યક્રમ આગળ ચલાવવાનો હોય તો ઊર્જા બચાવવા પાછળના કાર્યક્રમો બંધ કરીને પ્રજાના કરોડો રૂપિયાને બચાવી શકાય તેમ છે જે, ઉર્જા બચાવ્યા બરોબર માની શકાય