જૂનાગઢઃ ‘વાયુ’થી અસરગ્રસ્ત વિસ્તારોની રેશમા પટેલે લીધી મુલાકાત

જૂનાગઢઃ માંગરોળના દરીયા કીનારાના 14 ગામોમાં હાઇ એલર્ટ જાહેર કરાયાં હતા. જેમાંથી 1800 લોકો જે દરીયાની નજીક રહેતા તેમનું સ્થળાંતર કરવામાં આવ્યું હતું. આ તમામ ગામોની NCPના મહીલા વાઈસ પ્રેસિડેન્ટ રેશ્મા પટેલે મુલાકાત લીધી હતી.

ગુજરાતના દરિયાકાંઠાના વિસ્તારોમાં વાયુ વાવાઝોડાની ગંભીરતાને ધ્યાનમાં લઇ તંત્ર દ્વારા માંગરોળના અસરગ્રસ્ત વિસ્તારોમાંથી લોકોને સુરક્ષિત જગ્યાએ સ્થાળાંતર કરવામાં આવ્યા હતા. જે દરમિયાન પ્રધાન જવાહર ચાવડા તથા જિલ્લા પોલીસ વડા, કલેકટર તેમજ અનેક સામાજીક સંસ્થા તથા સેવાભાવી હિન્દુ તથા મુસ્લીમ ભાઈઓનું સેવા સંગઠનોએ કોમી એકતાનું પ્રતિક બતાવ્યું હતું.

માંગરોળ ખાતે NCPના મહીલા વાઈસ પ્રેસિડેન્ટ રેશમા પટેલ પણ અસરગ્રસ્ત લોકોની મુલાકાત લેવા પહોંચ્યા હતા. જ્યાં તેમણે વિવિધ સંગઠનો દ્વારા કરવામાં આવતી સેવાઓને બિરદાવી હતી. તો આ સાથે જ રેશમા પટેલે પણ લોકોની મદદ કરી હતી.