કેશોદના માણેકવાડા ગામે વનરાજાઓએ કર્યુ બળદનું મારણ

જૂનાગઢઃ જિલ્લાના કેશોદના માણેકવાડા ગામમાં સિંહોએ બળદનો શિકાર કર્યો હતો. આ પહેલા અજાબ પ્રાંસલીમાં વનરાજાઓએ મારણ કર્યું હતું. આ વિસ્તારમાં છેલ્લા 3 દિવસમાં સિંહોએ ત્રણ બળદોના મારણ કર્યા હતા.

કેશોદના માણેકવાડા ગામના કરાર સિમ વિસ્તારમાં વનરાજાઓએ બળદનું મારણ કર્યું હતું. સિંહે મારણ કર્યું હોવાની જાણ થતા તેને જોવા માટે લોકોના ટોળેટોળા ઉમટ્યા હતા. આ ઘટનાની જાણ થતા વન વિભાગની ટીમ પણ મારણ સ્થળ પર પહોંચી હતી. છેલ્લા ત્રણ દિવસમાં વનરાજોએ 3 બળદના મારણ કર્યા હતા. આ ઉપરાંત 4-5 સિંહો કેશોદના આજુ-બાજુના વિસ્તારમાં હોવાની શક્યતાઓ છે. ત્યારે પશુઓના મારણથી ખેડૂતોમાં ભયનો માહોલ સર્જાયો છે.