રખડતા ઢોરના ત્રાસમાંથી જૂનાગઢ વાસીઓને મળી શકે છે મુક્તિ જૂનાગઢ:આગામી દિવસોમાં જૂનાગઢ મ્યુનિસિપલ કોર્પોરેશન વિસ્તારના જાહેર માર્ગો પરથી રખડતા ઢોર દૂર થઈ શકે છે. તેવા ઉજળા સંજોગોનું નિર્માણ આગામી દિવસોમાં થવા જઈ રહ્યું છે. રખડતા ઢોરના સતત વધી રહેલા ત્રાસને કારણે અનેક લોકોએ તેમનો જીવ ગુમાવ્યા સુધીની અનેક ઘટનાઓ સામે આવી છે. આવી પરિસ્થિતિમાં રાજ્ય સરકારે તમામ મહાનગરપાલિકા માટે એક સમાન નીતિ નિર્ધારણ કરીને રખડતા ઢોરને માર્ગ પરથી દૂર કરવા ને લઈને કોર્પોરેશનને આદેશ કરવામાં આવ્યો છે. જે અંતર્ગત જૂનાગઢ મ્યુનિસિપલ કોર્પોરેશન દ્વારા પણ સરકારે સૂચવેલા આદેશને પગલે સ્ટેન્ડિંગ કમિટીમાં તેને મંજૂર કરીને આગામી સાધારણ સભામાં અંતિમ વિચારણા અને તેને કાયદો બને તે માટે મોકલી આપ્યો છે.
રખડતા ઢોરના ત્રાસ માંથી જુનાગઢ વાસીઓને મળી શકે છે મુક્તિ
"સરકારે જે પોલીસી બનાવી છે. તેને સ્ટેન્ડિંગ કમિટીએ મંજૂર કરી છે. આગામી દિવસોમાં જૂનાગઢ મ્યુનિસિપલ કોર્પોરેશનની સાધારણ સભા મળવા જઈ રહી છે. જેમાં રાજ્ય સરકારની પોલીસીને મંજૂર કરીને તેને કાયદો બનાવવામાં આવશે. ત્યારબાદ જૂનાગઢના તમામ માર્ગો પરથી કોર્પોરેશન દ્વારા રખડતા ઢોરને તબક્કાવાર દૂર કરવાની કામગીરી શરૂ કરવામાં આવશે. થોડા જ સમયની અંદર જૂનાગઢ કોર્પોરેશન વિસ્તારના માર્ગો પરથી રખડતા ઢોરનો ત્રાસ દૂર થશે"-- હરેશ પરસાણા (સ્ટેન્ડિંગ કમિટી ચેરમેન)
રખડતા ઢોરના ત્રાસ માંથી જુનાગઢ વાસીઓને મળી શકે છે મુક્તિ જૂનાગઢ મનપા કરશે કાર્યવાહી: જૂનાગઢ મનપાની આગામી સાધારણ સભામાં રાજ્ય સરકારે જે નીતિ નિર્ધારણ સાથેના સુધારા વ્યવસ્થાને મંજૂરી મળ્યા બાદ આગામી દિવસોમાં રખડતા ઢોરના ત્રાસ ને દૂર કરવા માટે કામ થતું જોવા મળશે. જૂનાગઢ મ્યુનિસિપલ કોર્પોરેશનમાં અત્યારે બે ઢોર વાડા કાર્યરત છે. તેની ક્ષમતાને કારણે હવે તેમાં એક પણ વધારાના પશુને રાખી શકાય તેવી વ્યવસ્થા નથી. આગામી સાધારણ સભામાં રખડતા ઢોરના ત્રાસ માંથી મુક્તિ મળે તે માટેનો નવો કાયદો અમલમાં આવતાની સાથે જ કોર્પોરેશન દ્વારા જૂનાગઢ શહેરના કેટલાક વિસ્તારોમાં નવા ઢોરવાડા બનાવવાની લઈને પણ ગંભીરતાપૂર્વક વિચારવામાં આવી રહ્યું છે.
- Junagadh News : આધુનિક જમાનાના દરેક પ્રકારના કાપડને મજબૂત ટક્કર આપી રહી છે P1 ખાદી
- World lion Day 2023: સાસણ ગીરમાં સિંહોનું કરાઈ રહ્યું છે સઘન સંરક્ષણ
