કેશોદના મઘરવાડા ગામે વરસાદમાં કાચું મકાન ધરાશાયી થતા સદનસીબે કોઇ જાનહાની નહીં

કેશોદ: સમગ્ર ગુજરાતમાં હાલ વરસાદી માહોલ જામ્યો છે. ત્યારે કેશોદ તાલુકાના મઘરવાળા ગામમાં ભારે વરસાદના કારણે મકાન ધરાશાયી થયું હતું. જો કે ઘટના સમયે ઘરમાં કોઈ ન હોવાના કારણે  કોઇ જાનહાનીની ઘટના બની ન હતી.

જૂનાગઢના કેશોદ તાલુકાના મઘરવાળા ગામે ભારે વરસાદના કારણે ગામના પ્રાથમિક શાળાના રોડ પર રહેતા ગઢવી પરિવારના વૃદ્ધ માજીનું મકાન ધરાશાયી થતા અબાદ બચાવ થયો હતો.ઉલ્લેખનીય છે કે આ મકાનમાં મોંઘીબા માલદાન ગઢવી નામના વૃદ્ધ એકલા જ રહીને જીવન ગુજારો કરતા હતા. જે વરસાદ ધીમો પડતાં ઘરની બહાર નીકળેલા હતા તે દરમિયાન અચાનક જ મકાન ધરાશાયી થતા માજી બચી ગયા હતા.