ગુરૂવારથી 15મી નવેમ્બર સુધી ગિરનાર રોપ-વેના ટિકિટ દરમાં કરવામાં આવ્યો ઘટાડો

ગુરૂવારથી આગામી 15મી નવેમ્બર સુધી ગિરનાર રોપ-વે નામ ટિકિટના ભાવોમાં દિલ્હી સ્થિત કંપની મુખ્યાલયથી ઘટાડાની જાહેરાત કરવામાં આવી છે. પ્રત્યેક વ્યક્તિ દીઠ 500 અને પ્રત્યેક બાળક દીઠ 250 રૂપિયાના ટીકીટ દર નિર્ધારિત કરવામાં આવ્યા છે. જે આગામી 15મી નવેમ્બર સુધી અમલમાં રહેશે. ત્યારે ગિરનાર રોપ-વેમાં મુસાફરી કરીને પરત આવતા યાત્રિકો રોપ-વેના અનુભવોને લઈને ખૂબ સારો પ્રતિભાવ આપી રહ્યા છે.

• ગિરનાર રોપ-વેના ટિકિટના દરમાં કરાયો 200 રૂપિયા સુધીનો ભાવ ઘટાડો
• ગુરૂવારથી 15 નવેમ્બર સુધી ભાવ ઘટાડો અમલમાં રહેશે
• પ્રત્યેક વ્યક્તિ 500 અને પ્રત્યેક બાળકના 250 રૂપિયા ટિકિટના દર નક્કી કરાયા
• પ્રથમ દિવસથી જ રોપ-વેની ટીકીટને લઈને યાત્રિકોમાં કચવાટ જોવા મળતો હતો
• રાજકારણીઓ પણ ટિકિટના દર ઘટાડવા માટે મેદાને પડ્યા હતા

જૂનાગઢઃગિરનાર રોપ-વેમાં મુસાફરી કરવા માગતા પ્રત્યેક યાત્રિકો માટે સારા સમાચાર મળી રહ્યા છે. ઉષા બ્રેકો કંપનીના હેડ ક્વાર્ટર દિલ્હી ખાતેથી ટિકિટોના ભાવ ઘટાડવાની જાહેરાત થઇ છે. આગામી 15મી નવેમ્બર સુધી પ્રત્યેક વ્યક્તિના 500 અને પ્રત્યેક બાળકના 250 રૂપિયા ટિકિટનો દર નિર્ધારિત કરવામાં આવ્યો છે, જે આગામી 15મી નવેમ્બર સુધી અમલમાં રહેશે ત્યારબાદ નવા દરોને લઈને કંપની કોઈ જાહેરાત કરી શકે છે. જ્યારથી રોપ-વે શરૂ થયો છે, ત્યારથી ટિકિટના દરને લઈને કચવાટ જોવા મળતો હતો. પરંતુ હવે કંપની એક્શનમાં આવી છે અને ટિકિટના ભાવ ઘટાડાની જાહેરાત પણ કરી છે.

ગુરૂવારથી 15મી નવેમ્બર સુધી ગિરનાર રોપ-વેના ટિકિટ દરમાં કરવામાં આવ્યો ઘટાડો

યાત્રિકોએ રોપ-વેના અનુભવોને લઈને ખૂબ સારો પ્રતિભાવ આપ્યો

એશિયાના સૌથી મોટા ગિરનાર રોપ-વે પર મુસાફરી કરીને પરત આવેલા યાત્રિકો તેમની મુસાફરીનો અનુભવ વ્યક્ત કરતા થાકતા નથી. આ પ્રકારનો અનુભવ જીવનમાં પહેલી વખત કર્યો હોવાનું જણાવીને રોપ-વેની મુસાફરીને રોમાંચિત મુસાફરી પણ ગણાવી હતી અને આ પ્રકારનો અનુભવ સમગ્ર વિશ્વમાં જૂનાગઢમાં થઇ રહ્યો હશે, તેવો દાવો પણ કર્યો હતો. રોપ-વેના સંચાલનથી લઈને તેમની મુસાફરી અંગે સંતોષ વ્યક્ત કર્યો હતો.

ગુરૂવારથી 15મી નવેમ્બર સુધી ગિરનાર રોપ-વેના ટિકિટ દરમાં કરવામાં આવ્યો ઘટાડો