જૂનાગઢમાં PM મોદીના જન્મદિવસને લઈ યુવા ભાજપ દ્વારા કરાયું રક્તદાન કેમ્પનું આયોજન

વડાપ્રધાન મોદીના જન્મદિવસને લઇને સમગ્ર દેશમાં સેવા સપ્તાહ નામનો કાર્યક્રમ યુવા ભાજપ દ્વારા શરૂ કરવામાં આવ્યો છે. જે અંતર્ગત જૂનાગઢમાં રેડક્રોસ ખાતે બુધવારના રોજ રક્તદાન કેમ્પ કરીને મોદીના જન્મદિવસની અગાઉ વિશેષ ઉજવણી કરવામાં આવી હતી.

• જૂનાગઢમાં મોદીના જન્મદિનને મહાદાન એવા રક્તદાન કરીને યુવા ભાજપે ઉજવ્યો
• મોદીના જન્મદિવસ અગાઉ રેડક્રોસ હોલમાં રક્તદાન કેમ્પનું આયોજન કરાયું
• ભાજપના કાર્યકરોએ કર્યું રક્તદાન, અંદાજિત 70 યુનિટ જેટલું રકત એકત્રિત થયું

જૂનાગઢ: વડાપ્રધાન મોદીના જન્મદિવસને લઇને સમગ્ર દેશમાં એક સપ્તાહ અગાઉ ઉજવણીની શરૂઆત કરવામાં આવી છે. જે અંતર્ગત સેવા સપ્તાહ કાર્યક્રમ યુવા ભાજપ દ્વારા મોદીના જન્મદિવસ અગાઉ રક્તદાન કેમ્પનું આયોજન કરીને મોદીના જન્મદિવસની વિશેષ અને અનોખી રીતે ઉજવણી કરવામાં આવી હતી. મોદીના જન્મદિવસને લઇને બુધવારની પૂર્વસંધ્યાએ રેડક્રોસ હોલમાં રક્તદાન કેમ્પનું આયોજન કરવામાં આવ્યું હતું.

જેમાં ભાજપના કાર્યકરો રક્તદાન કરવા માટે પહોંચ્યા હતા અને અંદાજિત 70 યુનિટ જેટલું રકત એકત્રિત થયુ હતું. જેને જરૂરિયાત મંદ થેલેસેમિયા અને કોરોના સંક્રમણ હોસ્પિટલોમાં મોકલવામાં આવશે. વડાપ્રધાન મોદીની દેશસેવા જન-જન સુધી પહોંચી રહી છે. આવી પરિસ્થિતિમાં મોદીના જન્મદિવસને રક્તદાન કેમ્પ થકી ઉજવવામાં આવ્યો હતો. અહીંથી એકત્ર થતું લોહી કોઈના જીવનને નવજીવન બક્ષી શકે તે માટે યુવા ભાજપે વિશેષ રક્તદાન કેમ્પનું આયોજન કર્યું હતું.