મહાશિવરાત્રી મેળાની પૂર્વસંધ્યાએ ભવનાથમાં જોવા મળ્યું શિવભક્તોનું ઘોડાપુર

સોમવારથી ભવનાથમાં મહાશિવરાત્રી મેળાનો શુભારંભ થવા જઇ રહ્યો છે. ત્યારે ભાવનાથની ગીરી તળેટીમાં મેળાની પૂર્વસંધ્યાએ ભક્તોની ભારે ભીડ જોવા મળી રહી છે.

જૂનાગઢ: સોમવારથી ભવનાથમાં મહાશિવરાત્રીનાં મેળાનો શુભારંભ થવા જઇ રહ્યો છે. ધ્વજારોહણની સાથે જ 5 દિવસનો મહાશિવરાત્રી મેળાનો શુભ આરંભ થશે. મેળાની પૂર્વસંધ્યાએ ભવનાથ તળેટી તરફ શિવભક્તોની ભીડ ઉમટી પડી છે. દર વર્ષની જેમ આ વર્ષે પણ પાંચ દિવસ દરમિયાન ભવનાથ તળેટીમાં ભગવાન શિવના સૈનિક નાગા સંન્યાસીઓ અને શિવભક્તોની ભક્તિ તેમજ ભીડ જોવા મળશે.

આદિ-અનાદિ કાળથી ભવનાથમાં યોજાતા શિવરાત્રીના મેળાને લઇને શિવભકતોમાં અનેરો જ ઉત્સાહ જોવા મળતો હોય છે. આપણી પ્રાચીન પરંપરાઓ અને ધાર્મિક માન્યતા અનુસાર આ મેળાના પાંચ દિવસ દરમિયાન ભગવાન શિવ નાગા સન્યાસીનું રૂપ લઈને આ મેળામાં ચોક્કસ હાજરી આપે છે.જેથી આ મેળાનું ધાર્મિક મહત્વ પણ ખુબ જ છે. લાખોની સંખ્યામાં શિવભક્તો હાજર રહીને ભગવાન શિવના અલૌકિક દર્શન માટે તલપાપડ થઈ રહ્યા હોય છે.