એ હાલો...લીલુડી પરિક્રમા, જૂનાગઢમાં માનવ મહેરામણ ઉમટ્યુ...

જૂનાગઢઃ ગિરનારની ગોદમાં આદી અનાદીકાળથી યોજાતી લીલી પરિક્રમાનો પ્રારંભ થયો છે. આ પરિક્રમામાં સમગ્ર રાજ્યમાંથી મોટી સંખ્યામાં પરિક્રમાર્થીઓ ઉમટી પડ્યા હતાં. ગિરનારની પાવનકારી પરિક્રમાનો ધાર્મિક મહત્વ પણ ખૂબ જ માનવામાં આવે છે, માટે આ પરિક્રમામાં મોટી સંખ્યામાં પદયાત્રીઓ આવી અને ગિરનારની 36 કિલોમીટર લાંબી પરિક્રમા પૂર્ણ કરી ભવોભવનો ભાથું બાંધવા ઉત્સુક જોવા મળ્યાં હતાં.

ગઈકાલ રાત્રીના 12 કલાકે ગરવા ગિરનારની લીલી પરિક્રમાનો શુભારંભ થયો છે.

આ પરિક્રમામાં સહભાગી બનવા માટે સમગ્ર રાજ્યને દેશમાંથી મોટી સંખ્યામાં પદયાત્રીઓ ઉમટી પડ્યા હતા કહેવાય છે કે આ ગિરનારની પ્રથમ પરિક્રમા ભગવાન કૃષ્ણ દ્વારા પ્રથમ વખત કરવામાં આવી હતી, ત્યારથી ગિરનારની લીલી પરિક્રમાનુ ખૂબ જ ધાર્મિક મહત્વ જોવા મળે છે. ગઈકાલ રાત્રિથી જ પદયાત્રીઓ જય ગિરનારીના નાદ સાથે ગિરનારની લીલી પરિક્રમાનો આરંભ કર્યો હતો. આ પરિક્રમામાં તમામ ઉમરના લોકો તેની આસ્થા સાથે જોડાઈને કપરી કહી શકાય. પરંતુ, ધાર્મિક દ્રષ્ટિએ ખૂબ મહત્વની પરિક્રમાને પૂર્ણ કરી ભવ ભવનુ ભાથું બાંધતા જોવા મળ્યા હતાં.