કહેવાય છે કે, જાગ્યા ત્યારથી સવાર, બસ એ જ રીતે નવા નિયમોમાં પણ વહેલી સવારથી જ PUCના સ્થળોએ મોટી સંખ્યામાં વાહન ચાલકો પહોંચતા હતાં અને ત્યારબાદ રાજ્ય સરકાર દ્વારા વાહન ચાલકોને નવા નિયમ લાગુ કરવા માટે અમુક સમય પણ આપવામાં આવ્યો હતો અને કૃષિ પ્રધાન આર.સી ફળદુએ જામનગરમાં યોજાયેલી એક બેઠકમાં સ્પષ્ટતા કરી હતી કે, રાજ્યમાં નવા વર્ષથી RTOના નવા નિયમોનું કડકપણે પાલન કરવામાં આવશે.
મહત્વનું છે કે, આ બેઠકમાં સાંસદ પુનમ માડમ પણ હાજર રહ્યા હતાં. આ બેઠકમાં આર.સી ફળદુએ જણાવ્યું હતું કે, નવા વર્ષથી ટ્રાફિકના નવા નિયમોનું કડક પાલન કરવામાં આવશે. લોકો હજૂ પણ એવી આશા રાખીને બેઠા છે કે, સરકાર તરફથી તારીખો લંબાવવામાં આવશે. પરંતુ, એવું બનશે નહીં, 1લી તારીખથી જ નવા નિયમોનુું ચુસ્ત પાલન કરવામાં આવશે અને માર્ગ અને વાહન વ્યવહારના નવા કાયદામાં હવે કોઇ મુદ્ત વધારવામાં આવશે નહીં. 1લી નવેમ્બરથી હેલ્મેટ સહિતના કાયદાઓનું કડક પાલન કરવામાં આવશે.
આ ઉપરાંત આ બેઠકમાં રાજ્યના મુખ્યપ્રધાન ટેકાના ભાવે મગફળીની ખરીદીનો પ્રારંભ પણ નવા વર્ષથી કરાવશે. માર્કેટયાર્ડ 1 નવેમ્બરથી ટેકાના ભાવે મગફળીનું પણ પ્રારંભ કરાવશે. વધુમાં જણાવીએ તો રાજ્યમાં વકરી રહેલા ડેન્ગ્યુ પર પણ પ્રધાને પ્રતિક્રિયા આપી હતી અને તાત્કાલિક ધોરણે ડેન્ગ્યુથી લોકોને રાહત મળે તેવા પગલા લેવામાં આવી રહ્યા છે તેવુ જણાવ્યું હતું.
