જામનગરઃરશિયા યુક્રેન વચ્ચે યુદ્ધ ચાલી (Russia Ukraine war) રહ્યું છે. જો કે યુક્રેનમાં મેડિકલનો અભ્યાસ સસ્તામાં થતો હોવાથી મોટા પ્રમાણમાં વિદ્યાર્થીઓ અભ્યાસ અર્થે યુક્રેન ગયા હતા. જેમાં જામનગરની હેતવી પારધી પણ ગઈ હતી. ગઈકાલે હેતવી જામનગર પરત ફરી છે. ત્યારે હેતવીએ યુક્રેનમાં યુદ્ધની સ્થિતિના અનુભવ ETV Bharat સાથે શેર કર્યા છે. ખૂબ ભયાનક સ્થિતિ છે અને ફાયરિંગના (Students returning to India from Ukraine)અવાજો સાંભળવા મળતા હતાં.
વિદ્યાર્થીઓના ભવિષ્ય સામે સવાલ ઉભો થયો -જામનગરની હેતવી પારધી યુક્રેનથી પરત ફરી છે. પણ અહીં તેમના અભ્યાસને લઈને તેમના માતાપિતા ચિંતિત છે. કારણ કે અહીં મેડિકલ કોલેજની પૂરતી વ્યવસ્થા ન હોવાને કારણે તેમનું ભવિષ્ય હાલ ધૂંધળું હોવાનું જણાઈ રહ્યું છે. યુક્રેનમાં હજારો ભારતીય વિદ્યાર્થીઓ મેડિકલના અભ્યાસ (Medical college in Ukraine)અર્થે ગયા હતા. આ તમામ વિદ્યાર્થીઓ ભારત પરત ફર્યા છે જોકે જ્યાં સુધી યુક્રેનમાં સ્થિતિ વ્યવસ્થિત ન થાય ત્યાં સુધી આ વિદ્યાર્થીઓના ભવિષ્ય સામે સવાલ ઉભો થયો છે.