જામનગર મહાનગરપાલિકાની જનરલ બોર્ડમાં વિરોધ પક્ષના ધરણા

જામનગર મહાનગરપાલિકાનું રૂ 689.80 કરોડનું બજેટ બોર્ડમાં સ્ટેન્ડિંગ કમિટી ચેરમેને રજૂ કર્યું હતુ. જો કે વિરોધ પક્ષના બે કોર્પોરેટર અને જનરલ બોર્ડમાં બોલવાની તક ન આપતા વિરોધ પક્ષે ભારે હોબાળો કર્યો હતો અને જનરલ બોર્ડમાં જ ધરણા શરૂ કર્યા હતા.

જામનગરઃ બુધવારે જામનગર મહાનગરપાલિકાની જનરલ બોર્ડમાં સર્વાનુમતે બજેટ રજૂ કરવામાં આવ્યું હતું અને બાદમાં તમામ સભ્યોને બોલવાની તક પણ આપવામાં આવી હતી. જોકે કોંગ્રેસના બે સભ્યોને બોલવાની તક ન મળતા ભારે હોબાળો થયો હતો. વોર્ડ નંબર 11, 15ના બંને કોર્પોરેટરને જનરલ બોર્ડમાં બોલવાની તક ન મળતા વિરોધ પક્ષના તમામ કોર્પોરેટરો ધરણા પર બેસી ગયા હતા.