ગુરૂ ગોબિંદસિંઘ સરકારી હોસ્પિટલમાં નવા 18 બેડના ICU કાર્યરત કરાયા

જામનગર: ગુરૂ ગોબિંદસિંઘ સરકારી હોસ્પિટલ ખાતેના મેડીસીન વિભાગમાં નવા 18 બેડના ICU કાર્યરત કરવામાં આવ્યા છે.31 જુલાઇના રોજ ગુરૂ ગોબિંદસિંઘ સરકારી હોસ્પિટલ, જામનગર ખાતે નવા સીફટ કરવામાં અવેલા મેડીસીન વિભાગ ખાતે 18 બેડની ક્ષમતા ધરાવતા નવા ICU ની સુવિધા કાર્યરત કરવામાં આવી હતી.

જી.જી. હોસ્પીટલની નવી બનેલી બિલ્ડીંગના 1 વર્ષ પહેલા વડાપ્રધાન નરેન્દ્ર મોદીએના વરદ હસ્તે જે નવી 700 પથારીની હોસ્પિટલ બિલ્ડીંગનું અનાવરણ કરવામાં આવ્યું હતું.તે બિલ્ડીંગમાં ચોથા માળે 18 બેડના ICUની સુવિધા ઉપલબ્ધ કરવામાં આવેલી છે. આ જ બિલ્ડીંગમાં ૯માં માળે 20-બેડની ક્ષમતા વાળુ ડાયાલીસીસ યુનિટ પણ કાર્યરત કરવામાં આવ્યું છે.

જુની બિલ્ડીંગમાં રહેલા 10 બેડનું ICU જે કાર્યરત હતું. તેની ક્ષમતા વધારી 14-બેડની કરવામાં આવી છે. જે હવેથી ICU તરીકે કામ કરશે તેમજ મેડીસીન વિભાગમાં સુપર સ્પેશ્યાલીસ્ટ તજજ્ઞોની સેવા CM SETU યોજના અંતર્ગત ચાલું કરવામાં આવશે.

સુપર સ્પેશ્યાલીસ્ટ તથા સ્પેશ્યાલીસ્ટ તબીબો નીચે મુજબની વિગતે સેવાઓ અપશે.

(૧) ડો. વિરલ વ્યાસ – ગેસ્ટ્રોએન્ટ્રોલોજીસ્ટ – આપીડીના દિવસો – સોમવાર, બુધવાર અને ગુરૂવાર – સમય – સાંજે – 4 થી 6 ઓપીડી રૂમ નં. 19 ખાતે મળશે.

(ર) ડો. પુજન શાહ – કાર્ડીઓલોજીસ્ટ- દર મહીનાના ચોથા શનિવારે સેવાઓ આપશે. સવારે – 3 થી 12 વાગ્યા સુધી. જુના ટીઅમટી રૂમ ખાતે મળી શકાશે.

(૩) ડો. જયરામ પ્રજાપતી – કાર્ડીઓલોજીસ્ટ – દર બુધવારે મળી શકાશે. ઓ.પી.ડી. સમય – 10 થી 1 જુના ટીઅમટી રૂમ ખાતે મળશે.

(૪) ડો. જય શાહ – ન્યુરોફિઝીશ્યન – સોમવાર, બુધવાર અને ગુરૂવાર -સમય સાંજે 4 થી 6 સુધી. મેડીસીન વિભાગ ખાતે મળશે.