જામનગરમાં રેપિડ એક્શન ફોર્સ દ્વારા મોક ડ્રિલ યોજાઇ

જામનગરમાં પોલીસ હેડ કવાર્ટરમાં શનિવારે વહેલી સવારે રેપિડ એક્શન ફોર્સ દ્વારા મોક ડ્રિલનું આયોજન કરવામાં આવ્યું હતું. રેપિડ એક્શન ફોર્સની એક બટાલિયન જામનગરમાં છેલ્લા આઠ દિવસથી, અંદર સીલ વિસ્તારોમાં માર્ચ કરી રહી છે અને શહેરમાં કોમી રમખાણને ડામવા માટે પ્રેક્ટિસ કરવામાં આવે તે માટે મોબાઈલનું આયોજન કરવામાં આવ્યું હતું.

મોક ડ્રિલમાં જામનગર શહેરના પોલીસ જવાનો પણ જોડાયા હતા. રેપિડ એક્શન ફોર્સના જવાનોએ કોમી રમખાણો વખતે કેવી કામગીરી કરવી તે માટે ઉચ્ચ અધિકારીઓ દ્વારા માર્ગદર્શન પણ આપવામાં આવ્યું હતું. રેપિડ એક્શન ફોર્સના જવાનોએ દિલધડક ઓપરેશન કરી સૌને મંત્રમુગ્ધ કરી દીધા હતા.

મોક ડ્રિલ વખતે યંગેસ્ટ આઇપીએસ હસન સફીન, ડીવાયએસપી અજયસિંહ જાડેજા અને પોલીસ જવાનો ઉપસ્થિત રહ્યા હતા.