શ્રી દાસ સાહેબનો પત્ર હાલ સોશિયલ મીડિયામાં વાયરલ થયો છે. આ પત્રમાં અમુક ચોકાવનારી વાતો પર ધ્યાન ખેંચે છે.
પત્રમાં ત્રણ પત્રકો બાબતે જણાવાયેલ છે. જેમાં GSTR9, GSTR9A અને GSTR9C પત્રકનો સમાવેશ થયો છે.
GST બીલના ધાંધિયા:જે 16 મહિનામાં નથી થયું તે હવેના 16 દિવસોમાં કેમ થશે? GST વિશે થોડી માહીતી
- GSTR9 દરેક સામાન્ય વેપારીઓએ ભરવાનું વાર્ષિક પત્રક છે.
- GSTR9A એ GSTના સ્થાને લંબસમ વેરો (કમ્પોઝીશન સ્કીમ) અપનાવનારા નાના વેપારીઓએ ભરવાનું વાર્ષિક પત્રક છે.
- GSTR9C એ મોટા વેપારીઓ એટલે કે જેઓનું ટર્નઓવર ૨ કરોડથી વધુ છે. તેઓએ ચાર્ટડ એકાઉન્ટ ટસ અથવા કોસ્ટ એકાઉન્ટેન્ટ પાસેથી મેળવી ઓનલાઇન અપલોડ કરવાનું પ્રમાણપત્ર છે.
- GSTR9C ભરવા જવાબદાર વેપારીઓએ GSTR9 પણ ભરવાનું જ હોય છે.
ડીપાર્ટમેન્ટલ ઓર્ડરમાં જણાવ્યા મુજબ તારીખ ૦૩ ઓગષ્ટ સુધીમાં
GSTR9 ૧૪૮૫૮૬૩, GSTR9A ૪૩૩૧૪૮, GSTR9C ૧૧૩૩૪ સાદર થયેલ છે.
CAGના રિપોર્ટ અનુસાર એક નજર કુલ જવાબદાર વેપારઓ પર કરીએ તો,
CAG રીપોર્ટ મુજબ ડીસેમ્બર ૧૮ના રોજ ૯૯૦૧૯૯૭ વેપારીઓ GSTR1 ભરવા જવાબદાર હતા. આ એવા વેપારીઓ છે જેઓએ GSTR9 ભરવું પડે. આથી એક અંદાજ મુજબ આ પત્રક ૩ ઓગષ્ટ સુધીમાં માત્ર ૧૬% જેટલા વેપારીઓ એ જ સાદર કરેલ છે. CAG રીપોર્ટ મુજબ ડીસેમ્બર ૧૮મા ૧૭૫૭૯૧૯ વેપારીઓ એવા હતા કે જેઓ કમ્પોઝીશનનો વિકલ્પ અપનાવેલ હતો અને તેથી GSTR9A ભરવા જવાબદાર છે. આથી એક અંદાજ મુજબ ૨૭% જેટલા લોકોએ આ પત્રક ભરેલ છે.
ભારતમાં ૨ કરોડ કરતા વધુ ટર્નઓવર ધરાવતા વેપારીઓ કેટલા છે તેનો કાયદેસરનો આંકડો મેળવવો મુશ્કેલ છે. તેથી તત્કાલીન નાણાપ્રધાન જેટલી સાહેબે કરેલ પ્રેસ કોન્ફરન્સની જાહેરાતો તથા ઇન્કમ ટેક્ષ કાયદા હેઠળ કરાયેલ ઓડીટોની સંખ્યાને સાપેક્ષ રાખીએ તો કહી શકાય કે, GSTR9C લગભગ ૧% થી ૩% સુધી વેપારીઓ જ ભરી શક્યા છે. આ ત્રણેય ફોર્મસ, તેની હકીકત અને ધારણા વર્ષ ૧૭-૧૮ને લગતી છે. તેથી કહી શકાય કે જે ફોર્મસ વેપારીઓએ ૦૧ એપ્રિલ ૨૦૧૮ થી ૩૧ ડીસેમ્બર ૨૦૧૮ સુધીમાં ભરવાના હતા તે ૧૬ મહીના પછી પણ ખુબ જ ઓછા ભરાયેલ છે.
શ્રી દાસ સાહેબ સદર પત્ર દ્વારા કહે છે કે, લોકોમાં જાગ્રુતિ લાવો. પરંતુ જે ૧૬ મહિનામાં નથી થયું તે હવેના ૧૬ દિવસોમાં કેમ થશે? બીજુ શું સરકારી તંત્ર એટલું જાગ્રુત કે જ્ઞાની છે કે તે આવડું મોટું અભિયાન પુર્ણ કરી શકે? વેપારીઓ (ખાસ કરીને મોટા) શા માટે કમ્પલાયન્સ નથી કરી રહ્યા તે સરકારે વિચારવું જ રહ્યું. આગામી ૩૧ ઓગષ્ટ કે જે આ પત્રકો સાદર કરવાની છેલ્લી તારીખ છે તે પહેલા વેપારીઓ
કોઇ રાહત મેળવશે?
શું ૧૭-૧૮ ના પત્રકોની ફરી મુદત વધશે? જો વધશે તો સરકાર પોતાના ૧૭-૧૮ ની આવકનો ચોપડો ક્યારે પુરો કરશે? વર્ષ ૧૮-૧૯ નું શું? તેના વાર્ષિક પત્રકો ભરવાની છેલ્લી તારીખ ૩૧ ડીસેમ્બર છે, તે પહેલા સરકારને કેટલા ટકા કમ્પલાયન્સ મળશે? કે પછી તેની પણ મુદતો વધતી જ જશે? શું ફોર્મમાં સુધારા થવાની કોઇ ફાયદો થશે? શું સરકારે કર વ્યવસાયિકોને પ્રોત્સાહિત કરવા પડશે? શું સરકાર બહુમતીમાં રહેલ દરેક વેપારીઓ કે જેઓએ પોતાના પત્રકો અથવા પ્રમાણપત્રો દાખલ કરવામાં ચુક કરેલ છે તે દરેક વેપારીઓને દંડીત કરશે?
