જામનગરમાં RTO કચેરીનું વીડિયો કોન્ફરન્સથી CMના હસ્તે લોકાર્પણ

જામનગરમાં છેલ્લા દોઢ વર્ષથી પ્રાદેશિક વાહન વ્યવહાર ખાતાની કચેરી તૈયાર હતી. જેનું આજે મુખ્ય પ્રધાનના હસ્તે વીડિયો કોન્ફરન્સના માધ્યમથી RTO કચેરીનું લોકાર્પણ કરવામાં આવ્યું હતું.

જામનગર: જામનગરમાં છેલ્લા દોઢ વર્ષથી પ્રાદેશિક વાહન વ્યવહાર ખાતાની કચેરી તૈયાર હતી. જેનું આજે મુખ્ય પ્રધાનના હસ્તે વીડિયો કોન્ફરન્સના માધ્યમથી RTO કચેરીનું લોકાર્પણ કરવામાં આવ્યું હતું. આ પ્રસંગે સાંસદ પૂનમ માડમ, અન્ન અને પુરવઠા પ્રધાન હકુભા જાડેજા, કલેકટર રવિશંકર, જિલ્લા પોલીસ વડા શરદ સિંઘલ સહિતના મહાનુભાવો ઉપસ્થિત રહ્યા હતા.

કરોડો રૂપિયાના ખર્ચે બનાવેલી RTO કચેરી આખરે શરૂ કરવામાં આવી છે. મહત્વનું છે કે, જામનગરમાં જે જગ્યાએ હાલ આરટીઓ કચેરી કાર્યરત છે. ત્યાં ટ્રાફિકની મોટા પ્રમાણમાં સમસ્યા છે. તો નવી બનાવેલી આધુનિક બિલ્ડિંગમાં અનેક સુવિધાઓથી સજ્જ આરટીઓ કચેરી બનાવવામાં આવી છે.જોકે, નવી બનાવેલી આરટીઓ કચેરી અગાઉ વિવાદમાં સપડાઇ હતી. કારણકે, બાજુમાં એરફોર્સ ટ્રેનિંગ સેન્ટર હોવાથી આરટીઓ કચેરીને ચાલુ કરવાની મંજૂરી મળતી ન હતી.

જામનગરમાં RTO કચેરીનું વીડિયો કોન્ફરન્સથી CM હસ્તે લોકાર્પણ