જામનગર ખાતે યોજાયેલી સામાન્ય સભામાં મેયર પર આક્ષેપો કરીને નારા લગાવાયા

જામનગરમાં મેયરની અધ્યક્ષતામાં ટાઉનહોલ ખાતે ગઇકાલે મંગળવારે સામાન્ય સભાની રચના યોજાઇ હતી. તેમાં પેટા સમિતિની રચના કરવામાં આવી હતી. સભાની શરૂઆતમાં જ અલ્તાફ ખફીએ મેયર પર આક્ષેપો કર્યા હતા.

• જિલ્લામાં સામાન્યસભા યોજાઈ અને સમિતિઓની રચના કરાઇ
• અલ્તાફ ખફીએ સભાની શરૂઆતમાં જ મેયર પર આક્ષેપ કર્યો
• વિપક્ષના સભ્ય આનંદ રાઠોડે સ્ટાફની ભરતી કરવા જણાવ્યુ

જામનગર : મહાનગર પાલિકાની વિવિધ પેટા સમિતિની રચના કરવા માટે ગઇકાલે મંગળવારે સામાન્યસભા યોજાઈ હતી અને સમિતિઓની રચના કરવામાં આવી હતી. જયારે વિપક્ષે એવી માંગણી પણ કરી હતી કે, આવી સમિતિમાં કયાંક વિપક્ષને પણ સ્થાન આપવું જોઈએ. આ બેઠકમાં આરોગ્ય વિષયક અને વાવાઝોડાની દહેશત વચ્ચે મહાનગર પાલિકાએ કરેલી કામગીરીનું કમિશ્નરે સવિસ્તાર વિતરણ રજુ કર્યું હતું.

સામાન્ય સભા મેયરની અધ્યક્ષતામાં ટાઉનહોલમાં યોજાઈ

મહાનગરપાલિકાની સામાન્ય સભા મેયર બિના કોઠારીના અધ્યક્ષ સ્થાને ટાઉનહોલમાં યોજાઈ હતી. સભાની શરૂઆતમાં જ વિપક્ષના અલ્તાફ ખફીએ આક્ષેપ કર્યો હતો કે, આપ મેયર જ છો કે અન્ય કોઈ સુપર મેયર પણ છે. શા માટે રીકવીઝેશન બેઠક ન બોલાવાઈ અને એવો કયાં નિયમ છે કે, સમિતિની રચના માટે બોલાવાયેલ બેઠકમાં પ્રશ્નોતરી થઈ ન શકે ? વર્તમાન સ્થિતિમાં કોરોના અને વાવાઝોડા અંગે ચર્ચા કેમ ન થઈ શકે ?

સામાન્ય સભામાં મેયર પર આક્ષેપો કરીને નારા લગાવાયા

સ્ટાફ સીલેક્શન અને કોલેજ મેનેજમેન્ટ બોર્ડ સમિતિનો સમાવેશ થાયત્રણેક સામાન્ય સભા મળી હતી. પરંતુ સભ્યોનો પરિચય આજે આપવામાં આવ્યો હતો. જે ખરેખર પ્રથમ બેઠકમાં આપવાનો હોય છે. આ પછી વિવિધ પેટા સમિતિઓના સભ્યોની નિમણૂક કરવામાં આવી હતી. જેમાં પબ્લિક વર્કસ કમિટી, વોટર વર્કસ સમિતિ, સેનીટેશન, લાઈટ, સમાજ કલ્યાણ અને શહેરી-ગરીબી સમિતિ, સ્લમ સમિતિ, રમત-ગમત અને સાંસ્કૃતિક સમિતિ, ટાઉન પ્લાનીંગ, આરોગ્ય અને ગાર્ડન ડ્રેનેજ સમિતિ, વાહન, પ્રાથમિક શિક્ષણ, લીગલ સલાહકાર સમિતિ ઉપરાંત સ્ટાફ સીલેક્શન અને કોલેજ મેનેજમેન્ટ બોર્ડ સમિતિનો સમાવેશ થાય છે. દરેક સમિતિમાં સાત સભ્યોની નિમણૂક આપવામાં આવી હતી.

સામાન્ય સભામાં મેયર પર આક્ષેપો કરીને નારા લગાવાયા

3,060 લોકોને હોમ આઈસોલેશનમાં ઘરે બેઠા સારવાર આપાઇ
વિપક્ષના સભ્ય આનંદ રાઠોડે સ્ટાફની ભરતી કરવા જણાવ્યુ હતું. આ પછી મ્યુનિસિપલ કમિશ્નર સતિષ પટેલ દ્વારા કોરોના અને વાવાઝોડાની દહેશત વચ્ચે મહાનગરપાલિકા દ્વારા કરવામાં આવેલી કામગીરીનું વિસ્તૃત જાણકારી આપીને ગૃહનો વાકેફ કર્યું હતું. તેમણે એમ પણ જણાવ્યું હતું કે, જામનગર મહાનગર પાલિકાની કામગીરીની ઉચ્ચ કક્ષાએ નોંધ લેવાઈ છે. તેમણે કહ્યું હતું કે, હાલની સ્થિતિએ 3,060 લોકો હોમ આઈસોલેશનમાં તેમને ઘરે બેઠા જ સારવાર આપવામાં આવી રહી છે.

સામાન્ય સભામાં ચર્ચા કરવા દેવામાં આવે નહિ તો તે હીટલરશાહી કહેવાય
અસ્લમ ખીલજીએ પણ પોતાનો આક્રોશ વ્યક્ત કર્યો હતો કે, બે માસે એક વખત સામાન્ય સભા મળે અને તેમાં પણ ચર્ચા કરવા દેવામાં આવે નહી આ તો હીટલરશાહી કહેવાય. કોરોનાના કેસ ઘટ્યા તેમાં તંત્રનો કોઈ સિંહફાળો નથી. દેશ અને દુનિયામાં તમામ સ્થળોએ કેસ ઓછા થયા છે. બાકી ઓક્સિજનના અભાવે અનેક દર્દીના મૃત્યુ થયા છે.
આ પણ વાંચો : પોરબંદર છાયા સયુંકત નગર પાલિકાની સામાન્ય સભા મળી 52 ઠરાવ મંજૂર કરાયા
ટેસ્ટિંગ માટે બેફામ પૈસા લૂંટવામાં આવ્યા

આરોગ્ય તંત્રમાં અમુક ખાનગી હોસ્પિટલોમાં લૂંટ ચલાવાઈ છે. ટેસ્ટિંગ માટે બેફામ પૈસા લૂંટવામાં આવ્યા છેે. ફળ-ફ્રૂટના પણ કાળા બજાર થયા છે. આપણે શું પગલાં લીધા ? બાકી તો સેવાના નામે ફોટા શેશન થાય છે. અમોએ પણ અનેક સેવા કરી છે પરંતુ ફોટા પ્રસિદ્ધ કરાવ્યા નથી. પરંતુ તેમ તેમણે મેયર ઉપર આક્ષેપ કરતા જણાવ્યું કે, શા માટે ખાનગી તબીબોનું ઉપરાણું લો છો ? શું તમારો ક્યાંય ભાગ છે ? આ તકે વાતાવરણ ઉગ્ર બન્યું હતું. મેયર ભાગેડુ, મેયર હાય-હાયના નારા લગાવ્યામેયરે બોર્ડ પૂર્ણ થયાની જાહેરાત કરતા જ વિપક્ષી સભ્યો નારાજ થયા હતા. મેયર ભાગેડુ, મેયર હાય-હાયના નારા લગાવ્યા હતાં. સામાન્ય સભાની શરૂઆતમાં અનેક સભ્યોના પરિવાર કૌટુંબિકજનો, પૂર્વ સભ્યો વગેરેના નિધન અંગે બે મિનિટનું મૌન પાળવામાં આવ્યું હતું. જેમ કે, પૂર્વ કોર્પોરેટર દેવસીભાઈ આહિર, વલ્લભભાઈ માડમ, અબ્બાસભાઈ ચિશ્તી, જેનબબેન ખફીના હુશેન ખફી ઉપરાંત કોઈના પરિવારજનો વગેરેનો સમાવેશ થાય છે.