જામનગરઃ જિલ્લામાં વધતા જતા કોરોના પોઝિટિવ કેસ રાજ્ય સરકાર માટે ચિંતાનો વિષય બની ગયો છે. જે કારણે એડિશનલ ચીફ સેક્રેટરી પંકજકુમાર જામનગરની 4 દિવસીય મુલાકાતે આવ્યા છે. આ દરમિયન તેઓ કોરોના સંક્રમણ અંગે સમીક્ષા કરશે.
જામનગર જિલ્લામાં રોજ 80થી 90 કોરોનાના નવા પોઝિટિવ કેસ નોંધાઈ રહ્યા છે. 8 ઓગસ્ટના રોજ મુખ્ય પ્રધાન વિજય રૂપાણીએ પણ જામનગરની મુલાકાત લીધી હતી. હાલ બુધવારથી 4 દિવસની જામનગરની મુલાકાતે એડિશનલ ચીફ સેક્રેટરી પંકજકુમાર આવ્યા છે. તેમને જિલ્લા કલેકટર સાથે વિવિધ આરોગ્ય કેન્દ્રની મુલાકાત લીધી હતી. આ સાથે જ અધિકારીઓ સાથે કોવિડ મામલે પંકજકુમારે સમીક્ષા બેઠક પણ યોજી હતી.
જામનગરમાં કામદાર કોલોનીમાં આવેલા આરોગ્ય કેન્દ્રની મુલાકાત દરમિયાન મીડિયા સાથે વાત કરતા પંકજ કુમારે જણાવ્યું કે, જામનગરમાં જે પ્રકારે કોરોનાના કેસ વધી રહ્યા છે, તેને અટકાવવા માટેના તમામ પ્રયાસો કરવામાં આવી રહ્યા છે. સચિવ પંકજકુમારની સાથે પ્રભારી નલિન ઉપાધ્યાય પણ જામનગરની મુલાકતે આવ્યા છે. જામનગર જિલ્લા કલેક્ટર કચેરી ખાતે આરોગ્ય અધિકારીઓ અને જીજી હોસ્પિટલના ડૉકટર સાથે બેઠક પણ યોજી હતી. જેમાં કોરોના સંક્રમણ અંગેની સમીક્ષા કરવામાં આવી હતી.