રાષ્ટ્રવ્યાપી ડૉક્ટર્સની હડતાલમાં જામનગરના 600 ડૉક્ટર જોડાયા

જામનગરઃ શહેરમાં આવેલી એમ.પી.શાહ મેડીકલ કોલેજ ખાતે રાષ્ટ્રવ્યાપી હડતાલમાં શહેરના ડૉક્ટરો મોટીસંખ્યામાં જોડાયા હતા. આ હડતાલ NMC બીલના વિરોધમાં શરૂ કરવામાં આવી છે. આ બીલના કારણે ડૉક્ટરોની સ્વતંત્રતા પર અસર થતી હોવાથી હડતાલ યોજાઇ હોવાનું ડૉક્ટરો જણાવી રહ્યાં છે.

શુક્રવારનુા રોજ જામનગરની એમ.પી.શાહ મેડીકલ કોલેજ ખાતે મોટી સંખ્યામાં ડૉક્ટર રાષ્ટ્રવ્યાપી હડતાલમાં જોડાયા છે. પ્રાઇવેટ પ્રેક્ટિસ કરતાં ડૉક્ટર્સ અને સરકારી નોકરી કરતાં ડૉક્ટર પણ આ હડતાલમાં જોડાયા છે. ડૉક્ટર આ અંગે જણાવી રહ્યા છે કે," NMC બીલથી ડોક્ટરની કાર્યશૈલી પર અસર થશે અને ડોક્ટર સ્વતંત્રત રીતે કામ નહીં કરી શકે."

NMC બીલ લોકસભામાં પાસ કરવામાં આવ્યું છે જ્યારે હવે ટૂંક સમયમાં રાજ્યસભામાં આ બીલ પસાર કરવામાં આવશે. તેથી શુક્રવારના રોજ સવારે 11:00 કલાકે એમ.પી.શાહ મેડીકલ કોલેજના કેમ્પસમાં તમામ ડૉક્ટરોએ સૂત્રોચ્ચાર કરી આ બીલનો વિરોધ નોંધાવ્યો છે.