સનવાવ ગામના ઉપસરપંચને એટ્રોસીટી એક્ટ હેઠળના ગુનામાં એક વર્ષની સજા

સનવાવ ગામના ઉપસરપંચ તેમજ ત્રણ અજાણ્યા શખ્સોએ 5 વર્ષ પહેલા એક યુવાન, તેની પત્નિ અને બાળકોને ગાળો આપીને જ્ઞાતિ પ્રત્યે અપમાનિત કર્યા હતા. જેને લઈને સેશન્સ કોર્ટે ઉપસરપંચને 1 વર્ષની સજા અને રૂપિયા 2 હજારનો દંડ ફટકાર્યો છે.

• સનવાવ ગામના ઉપસરપંચને એટ્રોસીટી ગુનામાં એક વર્ષની સજા
• અન્ય આરોપી સામે ગુનો સાબિત ન થતાં નિર્દોષ છોડી મુકાયા
• ઉપસરપંચને 1 વર્ષની સજા સાથે રૂપિયા 2 હજારનો દંડ ફટકાર્યો

ગીરસોમનાથ: ગીરગઢડા તાલુકાના સનવાવ ગામના ઉપસરપંચ તેમજ ત્રણ અજાણ્યા શખ્સોએ 5 વર્ષ પહેલા એક યુવાન, તેની પત્નિ અને બાળકોને ગાળો આપીને જ્ઞાતિ પ્રત્યે અપમાનિત કર્યા હતા. જે અંગેની પરિવારે ગીરગઢડા પોલીસમાં ફરિયાદ નોંધાવી હતી. જે અંગે સેશન્સ કોર્ટે ઉપસરપંચને 1 વર્ષની સજા સાથે રૂપિયા 2 હજારનો દંડ ફટકાર્યો છે.

સનવાવ

શું હતો સમગ્ર મામલો

સનવાવ ગામના ઉપસરપંચ ગોપાલ જીવાભાઇ બાંભણીયા તેમજ ત્રણ અજાણ્યા શખ્સોએ ગત તા. 31- 10- 2016ના રોજ દેવશી લખમણભાઇ પરમાર સાથે અપમાનજનક વર્તન કર્યું હતું. બાઇક પર લાકડીઓ સાથે આવીને અમારી સાથે કેમ બોલાચાલી કરો છો. તેમ કહીને દેવશીભાઇ તેમના પત્નિ વિમળાબેન ગ્રામ પંચાયતના સદસ્ય તથા બાળકોને જાહેરમાં ગાંળો આપીને જ્ઞાતિ પ્રત્યે અપમાનિત કર્યા હતા.

સનવાવ

પોલીસ કાર્યવાહી બાદ ન્યાયપાલિકાનો ચૂકાદો

આ અંગે ગીરગઢડા પોલીસમાં દેવશીભાઇએ ફરિયાદ નોંધાવતા પોલીસે તપાસ હાથ ધરી હતી. ત્રણ અજાણ્યા શખ્સો વિપુલ વશરામ બાંભણીયા, મનસુખ માલા ચાવડા તેમજ મહેશ વશરામ બાંભણીયા પોલીસ તપાસમાં ખૂલ્યા હતા. આ કેસમાં ઉના એડીશનલ કોર્ટના જજ ડી. એસ. ત્રિવેદીની કોર્ટમાં સરકારી વકીલ મોહન ગોહેલની દલીલોને ધ્યાને રાખીને આરોપી ઉપસરપંચ ગોપાલ જીવા બાંભણીયાને એટ્રોસીટી એક્ટ ગુનામાં તક્ષીરવાન ઠેરાવી 1 વર્ષની સાદી કેદની સજા તેમજ રૂપિયા 2 હજારનો દંડ તેમજ હુમલો કરવા બદલ રૂપિયા 500ના દંડની સજા ફટકારી હતી. જ્યારે બાકીના આરોપી વિરૂદ્ધ ગુનો સાબીત ન થતાં તેને નિર્દોષ છોડી મૂકવામાં આવ્યા છે.

આ પણ વાંચો :એટ્રોસીટી, આરક્ષણ સહિતના મુદ્દાઓ સાથે 15મીએ ગાંધીનગરમાં કરણીસેનાની મહારેલી