ગીર સોમનાથ : 1951 વૈશાખ સુદી પંચમી એટલે સોમનાથ મંદિરનો સ્થાપના દીવસ. આ સંયોગને આજે 70 વર્ષ પુર્ણ થયા છે. ત્યારે સોમનાથના ઈતિહાસમાં પ્રથમ વખત સ્થાપના દીવસ હોય ત્યારે મંદિરમાં ભાવિકોને પ્રવેશવા પર મનાઈ કરવામાં આવી હતી.
લોકડાઉન વચ્ચે સોશ્યલ ડિસ્ટનસિંગ સાથે સોમનાથ સ્થાપનાદિન ઉજવાયો જેમાં ટ્રસ્ટ અને પુજારીઓ દ્રારા સોમનાથ મહાદેવને ખાસ પંચામૃત ગંગાજળથી અભિષેક કરી મહાપુજા સાથે ધ્વજા રોહણ પણ કરવામાં આવ્યું હતું. તેમજ સાંજે દીપ આરતી સહિતના કાર્યક્રમો યોજાયા હતા. જેમાં મંદિર માં ઉપસ્થિત પુજારીઓ અને ટ્રસ્ટે વિશ્વને આ મહામારીમાંથી મુક્ત થવા સોમનાથ મહાદેવને પ્રાર્થના કરી હતી.
