જાણો 'યોગા' ગોલ્ડન ગર્લ ભારતી સોલંકીની પ્રેરણાદાયી સફર...

ગીરસોમનાથઃ જિલ્લાના સુત્રાપાડાના નાના એવા લાટી ગામના શ્રમજીવી ખેડૂતની પુત્રી ભારતીએ યોગ ક્ષેત્રે સમગ્ર રાજ્ય સહિત ભારતનું નામ રોશન કર્યું છે. બાંગ્લાદેશ ખાતે યોજાયેલી એશિયાઇ યોગા ચેમ્પિયનશીપમાં વિવિધ કેટેગરીમાં 2 ગોલ્ડ, 1 સિલ્વર અને 1 બ્રોન્ઝ જીતીને જીવનમાં યોગનું મહત્વ સમજાવ્યું છે. ગોલ્ડન ગર્લ ભારતીએ અત્યાર સુધીની ટૂંકી કારકિર્દીમાં 35થી વધુ મેડલ્સ મેળવ્યા છે. ઘરની નબળી આર્થિક પરિસ્થિતિ અને અન્ય પડકારો સામે ગોલ્ડ મેડલ્સ મેળવીને આજે ભારતી ચમકી રહી છે.

નરેન્દ્ર મોદી ગુજરાત આ મુખ્યપ્રધાન હતા ત્યારે ભારતીને સન્માનિત કરી છે. હવે તેને ખેલમહાકુંભ ના ગોલ્ડ મેડલ કે રાષ્ટ્રીય કક્ષા ના સિલ્વર અને બ્રોન્ઝ મેડલ થી જરા પણ સંતોષ નથી. તેનું લક્ષ્ય યોગ ક્ષેત્રે તેણે તાજેતરમાં જીતેલુ ચેમ્પિયન ઓફ ધ ચેમ્પિયન ની ખિતાબ ફરી જીતવાનું છે. તો હાલમાંજ બાંગ્લાદેશ માં યોજાયેલ એશિયાઈ યોગા ચેમ્પિયનશીપમાં તેણે ઝળહળતી સફળતા મેળવિને લાટી ગામ, કે ગીરસોમનાથ જિલ્લા નું નહીં પરંતુ ભારત દેશનું નામ રોશન કર્યું છે. ભારતીએ અંદાજે 35 મેડલ્સ મેળવ્યા જેમાં 20 જેટલા તો ગોલ્ડ મેડલ્સ જીતવામાં તે સફળ રહી છે.

બાંગ્લાદેશ જવાના પેહલા મહિને ભારતી પોતાના પગમાં થયેલી ઇજા સાથે ઝઝૂમી રહી હતી, ત્યારે ઓપરેશનમાંથી નીકળ્યા બાદ કદાચ તેના પરિવાર અને તેના કોચે તેની આ સ્પર્ધા જીતવાની આશા છોડી દીધી હતી. બધાને તેની પરિસ્થિતિ ઉપર તરસ આવી રહ્યો હતો. જો કે, ભારતી સોલંકી પોતે તેણે જીત હારની પર જઈને પોતાના દેશ અને પોતાના યોગના આત્મગૌરવ માટે સ્પર્ધામાં ભાગ લેવાનું નક્કી કર્યું હતું અને જ્યારે એશિયાઈ યોગ ચેમ્પિયનશીપના ફાઇનલ રાઉન્ડનું રિઝલ્ટ આવ્યું ત્યારે તેની એક મહિના પહેલાની પરિસ્થિતિ જોનારા દરેક વ્યક્તિ ભારતીના અડગ નિશ્ચયને નતમસ્તક થઈ ગયા હતા."ભારતી એ ફરી એકવાર ગોલ્ડ મેડલ જીત્યું", ભલે એ ગોલ્ડમેડલ એના અગાવ જીતેલા ચેમ્પિયન ઓફ ધ ચેમ્પિયનના ટાઇટલ કરતા ઓછા ક્ષેત્રમાં હતું, પરંતુ તે માત્ર ભારતીના યોગ ક્ષમતા માટે નહોતું. તે ગોલ્ડમેડલ તેના પરિસ્થિતિ ઉપરના વિજયનું પ્રતીક હતું. જે તેણે યશ અને આત્મગૌરવથી ધારણ કર્યું હતું. ભારતીની આ સફળતામાં તેના માતા-પિતા અને મામાએ પોતાનાથી બનતા તમામ પ્રયત્નો અને ઇન્ડિયન રિયોન ફાઉન્ડેશન આ અનુદાનનો ભાગ રહેલો છે, ત્યારે ગીરસોમનાથ જિલ્લો આખો ભારતીની સફળતા ઉપર ગર્વ કરે છે અને ગીરસોમનાથની ગોલ્ડન ગર્લ ભારતી અનેક દીકરીઓ માટે આગળ વધવા માટે પ્રેરણાસ્ત્રોત બની છે.