વેરાવળ ખાતે સોમનાથ સંસ્કૃત યુનિવર્સિટીમાં ત્રી દિવસીય યુવા મહોત્સવનું આયોજન થયું હતું. જેમાં યુવાઓએ વિવિધ રમતોમાં ભાગ લઈ પોતાનું કૌતુલ્ય બતાવ્યું હતું. જ્યારે ત્રિદિવસીય આ કાર્યક્રમના સમાપન દિવસે શિક્ષણપ્રધાન ભુપેન્દ્રસિંહ ચુડાસમા, જૂનાગઢના સાંસદ રાજેશ ચુડાસમા સહિતના મહાનુભાવો ઉપસ્થિત રહ્યા હતાં.
ત્રિ દિવસીય કાર્યક્રમના અંતિમ દિવસે રાજ્યના શિક્ષણપ્રધાન ભુપેન્દ્રસિંહ ચુડાસમાએ આ સંસ્ક્રુત યુનિવર્સિટીમાં બે ભવનોનું ખાત મુહુર્ત કર્યું હતું. જેમાં એક ગાર્ગી કન્યા છાત્રાલય તેમજ પતંજલિ યોગ ભવન જે બંન્ને 11 કરોડના ખર્ચે તૈયાર થવાનો અંદાજ છે.
તેમણે પોતાના ભાષણમાં વિશેષ ઉલ્લેખ કરીને કહ્યું હતું કે દુનિયા ઝુકતી હે ઝુકાને વાલા ચાહીએ અને આપણે PM મોદી મળી ગયા છે. અમેરિકા જે વિશ્વમાં રાજકીય નકશામાં ટોપ પર છે. જેને જગત જમાદાર કહેવાય. જેવી રીતે કોઈ ભાઈબંધને બોલાવે ને તેવી જ રીતે ટ્રમ્પ બોલાવી કેમ છો ટ્રમ્પ મજામાં. એટલે દુનિયા ઝુકતી હે!