ગીર-સોમનાથઃ વેરાવળમાં કોરોના મહામારી સંદર્ભે દુકાનો બંધ હોય તેવા સમયે સુભાષ રોડ પર આવેલા આકૃતિ માર્કેટની એક બંધ દુકાનમાં રવિવારે બપોરના સમયે આગ લાગી હતી.
આ પણ વાંચોઃગાંધીનગર સિવિલ હોસ્પિટલમાં ફાયરબ્રિગેડ અને NDRFની ટીમની સામૂહિક મોકડ્રીલ
રવિવારે બપોરના 3 ક્લાકની આસપાસ ભીષણ આગ લાગી હતી
વેરાવળના મુખ્ય બજારમાં આવેલી હેતલ નોવેલ્ટી નામની બંધ દુકાનમાં રવિવારે બપોરના 3 ક્લાકની આસપાસ ભીષણ આગ લાગી હતી. સુભાષ રોડ પર લાગેલી આ આગની જાણ ફાયર ફાઇટરને થતા તાત્કાલીક બે ફાયર ફાઇટરો સાથે મનુભાઇ બામણીયા, પ્રકાશભાઇ દાસ, હરસુખભાઇ કુહાડા, હરીભાઇ કુહાડા, પ્રવિણભાઇ સરકાર સહિતના લોકો સ્થળ પર આવી પાણીનો મારો ચલાવી આગને કાબુમાં લેવાઇ હતી.
આ પણ વાંચોઃભાવનગરમાં છેલ્લા 3 મહિનામાં ફાયર બ્રિગેડને આગના 68 કોલ મળ્યા
ઇલેકટ્રીક શોર્ટસર્કિટના કારણે આગ લાગ્યાનું પ્રાથમિક તારણ મળી આવ્યું છે
આગની ઘટના બનતા નગરપાલિકા ઉપપ્રમુખ કપીલભાઇ મહેતા સહીતના લોકો પણ સ્થળ પર દોડી આવ્યા હતા. હાલ ઇલેકટ્રીક શોર્ટસર્કિટના કારણે આગ લાગ્યાનું પ્રાથમિક તારણ મળી આવ્યું છે. જયારે દુકાનમાં રહેલો લાખો રૂપિયાનો માલ આગમાં ખાખ થયો હોવાનું દુકાન માલીક ચેતનભાઇ ભાવસારે જણાવ્યું હતું.
