ઉલ્લેખનીય છે કે, રાજ્યના ખેડૂતોને માઠી દશા બેઠી હોય તે રીતે ચોમાસાથી લઈને દિવાળી સુધી વરસાદે તારાજી સર્જી છે. ચોમાસામાં અતિવૃષ્ટિના કારણે ખેડૂતોનો પાક નાશ થયો હતો જ્યારે દિવાળી ઉપર પાકને લેવાનો સમય થયો ત્યારે જ ખેતરોમાં કમોસમી વરસાદે પાક બગાડી નાખ્યો છે. પાક બગડી ગયા બાદ પણ સરકાર દ્વારા વળતર આપવાની જાહેરાત કરવામાં આવી છે પરંતુ લેભાગુ તત્વોએ આફતને પણ અવસરમાં ફેરવવાનું પ્લાન શોધી નાખ્યો છે.
ખેડૂતો પાસે 600 રૂપિયા લેતો વીડીયો વાયરલ, કૃષિપ્રધાને કહ્યું જવાબદાર સામે પોલીસ ફરિયાદ કરો ત્યારે કલેકટર કચેરીમાં અરજી ફોર્મ લેવા જતાં ખેડૂતો પાસે 600 રૂપિયા ખંખેરવામાં આવી રહ્યા છે જેનો વીડિયો વાયરલ થતાં કૃષિ વિભાગ હરકતમાં આવી ગયું છે. કૃષિપ્રધાન આર.સી.ફળદુએ કહ્યું કે, આ ઘટનાની જાણ થતા કૃષિ વિભાગના અધિકારીઓને આદેશ કર્યો છે.
તેમજ કસૂરવારો સામે પોલીસ ફરિયાદ નોંધાવવામાં આવે અને આ પ્રકારના બનાવનું રાજ્યમાં પુનરાવર્તન ન થાય તેઓ દાખલો બેસાડવા માટે પણ ધ્યાન દોર્યું છે. ખેડૂતોએ એક પણ રૂપિયા ચૂકવવાનો થતો નથી કલેકટર કચેરીમાં તેમનું અરજી ફોર્મ જમા કરાવ્યા બાદ પાક વીમાની રકમ તેમના એકાઉન્ટમાં જમા થઈ જશે.
