ગાંધીનગર: ગુજરાત પર આવનારા સંભવિત ‘નિસર્ગ’ વાવાઝોડાની સ્થિતીને પહોચી વળવા સોમવારે મુખ્ય પ્રધાન વિજય રૂપાણીએ હાઈ પાવર કમિટી સાથે સવારે બેઠક યોજી હતી. આ બેઠકમાં નિસર્ગ વાવાઝોડાની સમીક્ષા કર્યા બાદ મોડી સાંજે દિલ્હીથી અમિત શાહે વીડિયો કોન્ફરન્સ યોજીને કેન્દ્ર સરકારની પૂર્ણ મદદ તથા સહયોગની ખાતરી આપી હતી.
વિજય રૂપાણીએ દક્ષિણ ગુજરાત અને સૌરાષ્ટ્રના ભાવનગર-અમરેલી જિલ્લામાં નિસર્ગ નામના સંભવિત વાવાઝોડાની સ્થિતીને પહોચી વળવા રાજ્ય સરકારે કરેલા આગોતરા આયોજનમાં NDRF ટીમ SDRF ટીમ ગોઠવી દેવામાં આવી છે. તેમજ નીચાણવાળા વિસ્તારના લોકોના, માછીમારો-અગરિયાઓ અને ઝિંગા ફાર્મના લોકોને સલામત સ્થળે સ્થળાંતર સહિતની તૈયારીઓથી અમિત શાહને માહિતગાર કર્યા હતા.
ઉલ્લેખનીય છે કે, કેન્દ્રિય ગૃહ પ્રધાન અમિત શાહે આ સંભવિત ‘નિસર્ગ’ વાવાઝોડાની સ્થિતીના મૂકાબલા માટે રાજ્યને કેન્દ્ર સરકાર તરફથી પૂરા સહયોગની ખાતરી આપી હતી.