ગાંધીનગર: રાજ્યના મુખ્યપ્રધાન વિજય રૂપાણી અધ્યક્ષતામાં મળેલી કેબિનેટની બેઠકમાં રાજ્ય સરકારે તમામ સરકારી યુનિવર્સિટીમાં પરીક્ષા યોજવાનો નિર્ણય કર્યો હતો. જેના ગણતરીના કલાકોમાં જ કેન્દ્ર સરકારના શિક્ષણ સચિવે કોઈપણ રાજ્યની યુનિવર્સિટીમાં પરીક્ષા ન યોજવાનો નિર્ણય જાહેર કર્યો છે. જેના પગલે રાજ્ય સરકારે લીધેલા કેબિનેટ બેઠકના નિર્ણય બદલાવ કરવાની ફરજ પડી હતી.
રાજ્ય સરકારે યુનિવર્સિટી પરીક્ષા અંગે લીધેલો નિર્ણય કર્યો રદ
- આજે સવારે શિક્ષણ પ્રધાને પરીક્ષા યોજવાની કરી હતી જાહેરાત
- કેન્દ્ર સરકારે નિર્ણય બદલવા કર્યો આદેશ
- હવે કોઈ પણ પરીક્ષા લેવાશે નહીં કેન્દ્ર સરકારના શિક્ષણ સચિવે રૂપાણી સરકાર નિર્ણય બદલવા મજબૂર કર્યા
આ અંગે શિક્ષણ પ્રધાન ચૂડાસમાએ જણાવ્યું છે કે, કેન્દ્રીય શિક્ષણ સચિવ દ્વારા તમામ રાજ્યોને પરીક્ષા નહીં યોજવાની સૂચના આપવામાં આવી છે, ત્યારે હવે ગુજરાતમાં આવતીકાલથી શરૂ થતી પરીક્ષાઓ પણ મોકૂફ રાખવામાં આવે છે. તેમજ પરીક્ષાની તારીખ કેન્દ્ર સરકાર દ્વારા જાહેરાત થયા બાદ જ નવી તારીખ જાહેર કરવામાં આવશે.
ઉલ્લેખનીય છે કે, આજે સવારે મુખ્યપ્રધાન વિજય રૂપાણીની અધ્યક્ષતામાં યોજાયેલી બેઠકમાં યુનિવર્સિટીના અંતિમ વર્ષની પરીક્ષા અંગે મહત્વનો નિર્ણય લેવાયો છે. જેના ગણતરીના કલાકોમાં જ રાજ્ય સરકારને પોતાનો નિર્ણય બદવાની ફરજ પડી છે, ત્યારે રાજ્યભરમાં સરકાર દ્વારા લેવાયેલા નિર્ણયની નિંદા થઈ રહી છે. આ સાથે જ સરકારમાં જ આંતરિક સ્પષ્ટતા ન હોવાના અનેક સવાલો ઉભા થઈ રહ્યાં છે.