વિધાનસભામાં ચર્ચા દરમિયાન પક્ષ-વિપક્ષ આમને સામને

વિધાનસભાના પ્રથમ દિવસે રાજ્યપાલ આચાર્ય દેવવ્રત દ્વારા સંબોધન કરવામાં આવ્યું હતું. આ સંબોધન મુદ્દે શુક્રવારે વિધાનસભા ગૃહમાં ચર્ચા કરવામાં આવી હતી. જે બાદ ભાજપ અને કોંગ્રેસના ધારાસભ્યો આમને-સામને આવી ગયા હતા. જેમાં બન્ને પક્ષ દ્વારા એકબીજા પર આક્ષેપ પ્રતિઆક્ષેપ પણ કરવામાં આવ્યા હતા.

• રાજ્યપાલના પ્રવચન પર થઈ ચર્ચા
• વિધાનસભા ગૃહમાં ચર્ચા દરમિયાન પક્ષ અને વિપક્ષ આમને-સામને
• આઇશા આત્મહત્યા કેસ બાબતે પણ થઈ ચર્ચા
• કોંગ્રેસે 2015માં પાટીદાર આંદોલન કર્યું હોવાના વિધાનસભા ગૃહમાં પડકાર

ગાંધીનગર : વિધાનસભાના પ્રથમ દિવસે રાજ્યપાલ આચાર્ય દેવવ્રત દ્વારા સંબોધન કરવામાં આવ્યું હતું. આ પ્રવચન મુદ્દે શુક્રવારે વિધાનસભા ગૃહમાં ચર્ચા કરવામાં આવી હતી. જેમાં ભાજપ અને કોંગ્રેસના ધારાસભ્યો આમને-સામને આવી ગયા હતા. જેમાં બન્ને પક્ષ દ્વારા એકબીજા પર આક્ષેપ પ્રતિઆક્ષેપ પણ કરવામાં આવ્યા હતા.

પ્રદિપસિંહ જાડેજાએ આઇશા આત્મહત્યા અંગે દુઃખ વ્યક્ત કર્યું

રાજ્ય કક્ષાના ગૃહ પ્રધાન પ્રદિપસિંહ જાડેજાએ અમદાવાદમાં આઇશાએ કરેલી આત્મહત્યા બાબતે પણ નિવેદન આપ્યું હતું કે, આઇશા હોય કે આશા સરકાર હંમેશા સંવેદનશીલ જ રહેશે. જ્યારે પ્રદિપસિંહ જાડેજાએ પોતાના મતવિસ્તાર વટવા વિધાનસભામાં જે આઇશાએ આત્મહત્યાની ઘટના બની છે તે અંગે પણ દુઃખ વ્યક્ત કર્યું હતું.

આ પણ વાંચો -'અલ્લાહ સે દુઆ કરતી હું કી દુબારા ઇન્સાનો કી શક્લ ન દિખાયે', આત્મહત્યા કરતા પહેલા યુવતીના શબ્દો

કોંગ્રેસના શાસનમાં ગુજરાત જાતિવાદમાં વેચાઈ ગયું

રાજ્યકક્ષાના ગૃહ પ્રધાન પ્રદિપસિંહ જાડેજાએ વિધાનસભામાં ચર્ચા કરતા દરમિયાન એ નિવેદન આપ્યું હતું કે, ગુજરાત વિધાનસભામાં કોંગ્રેસને વર્ષ 1985ની વિધાનસભાની ચૂંટણીમાં 149 બેઠક મળી હતી, ત્યારે કોંગ્રેસના શાસન ગુજરાતમાં જાતિવાદમાં વહેંચાઇ ગયું હતું અને વર્ષ 1990માં કોંગ્રેસ પાછલા બારણે સત્તામાં ભાગીદાર બન્યું હતું. જ્યારે વર્ષ 2015માં કોંગ્રેસ દ્વારા અનામત આંદોલનના નામે જાતિવાદ ભડકાવવામાં આવ્યો હોવાનું નિવેદન પણ રાજ્યકક્ષાના ગૃહ પ્રધાન પ્રદિપસિંહ જાડેજા વિધાનસભા ગૃહમાં કર્યું હતું. જ્યારે પ્રદિપસિંહ જાડેજાએ જવાલાલ નેહરૂનું નામ લીધા વગર પણ અનેક પ્રહારો કોંગ્રેસ પર કર્યાં હતા.

આ પણ વાંચો -દલિત અત્યાચાર મુદ્દે સરકારે માત્ર આરોપીઓને છાવરવાનું કામ કર્યું :પરેશ ધાનાણી

નરેન્દ્ર મોદી સ્ટેડિયમનો મુદ્દો ચર્ચાયો

અમદાવાદના સ્ટેડિયમનું નામ બદલવાનો મુદ્દો પણ વિધાનસભા ગૃહમાં ચર્ચાયો હતો, જ્યારે કોંગ્રેસે એવા પણ આક્ષેપ કર્યાં હતા કે, પ્રથમ મેચ જોવા જ્યારે લોકો મોટેરા સ્ટેડિયમમાં અંદર પ્રવેશ્યા ત્યારે સ્ટેડિયમનું નામ સરદાર પટેલ સ્ટેડિયમ હતું અને બહાર આવ્યા ત્યારે નરેન્દ્ર મોદી સ્ટેડિયમ બની ગયું હતું. સરદારના નામને સરકારે હટાવી દીધું છે, ત્યારે રાજ્ય કક્ષાના ગૃહ પ્રધાન પ્રદિપસિંહ જાડેજાએ જણાવ્યું હતું કે, વડાપ્રધાન નરેન્દ્ર મોદી GCAના પ્રમુખ હતા, એ સમયે તેમનું સ્વપ્ન હતું કે, વિશ્વનું સૌથી મોટું ક્રિકેટ સ્ટેડિયમ અમદાવાદમાં બને જે ગૃહપ્રધાન અમિત શાહ અને તેમની ટીમે ક્રિકેટ સ્ટેડિયમ બનાવવાનું કામ પૂર્ણ કર્યું છે.

આ પણ વાંચો -હવેથી 'નરેન્દ્ર મોદી સ્ટેડિયમ' નામથી ઓળખાશે મોટેરા સ્ટેડિયમ

વિપક્ષ નેતાની નિમણુંક એટલે વિરજી ઠુમ્મર સક્રિય

વિધાનસભા ગૃહમાં રાજ્યકક્ષાના પ્રધાન પ્રદિપસિંહ જાડેજાએ વીરજી ઠુમ્મર પર કટાક્ષ કર્યો હતો કે, વિધાનસભામાં નવા વિરોધ પક્ષના નેતાની નિમણૂક થવાની છે, ત્યારે હવે સક્રિય બન્યા છે. વીરજી ઠુમ્મરની આગળ હજૂ પણ શૈલેષ પરમાર અને મોહનસિંહ રાઠવા જેવા નેતા છે, ત્યારે પ્રદિપસિંહ જાડેજાને જવાબ આપતા જણાવ્યું હતું કે, હજૂ હું રાહ જોઇશ જેના જવાબમાં પ્રદિપસિંહ જાડેજાએ જણાવ્યું હતું કે, ત્યાં સુધી કોંગ્રેસની ઈમારત ખંડેર થઈ જશે, આમ અનેક રીતે ભાજપ અને કોંગ્રેસ વિધાનસભા ગૃહમાં આમનેસામને આવ્યા હતા.

આ પણ વાંચો -રાજ્યની સરકાર સૌરાષ્ટ્રમાં પીવાનું શુદ્ધ પાણી આપી શકતી નથી, 5 કિમી ચાલવું પડે છે : વિરજી ઠુમ્મર